Yoshua 17:11 - An Bibel Kernewek 20234 (Kernewek Kemmyn)

¹¹ Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

Yoshua 17:11 Iomraidhean Croise

2 Samuel 21:12

Davydh eth ha kemmeres eskern Sowl ha Yonathan y vab dhiworth gwer Yabesh-gilead, neb a's ladras dhiworth plen Beth-shan, le ma's krogas an Filistysi, wosa an Filistysi dhe weskel Sowl yn Gilboa.

1 Myghternedh 9:15

Hemm yw derivadow a'n lavur konstrynys a elwis Solomon yn-bann rag drehevel chi an Arloedh ha'y ji y honan, ha'n Millo, ha fos Yerusalem, ha Hasor, Megiddo ha Gezer

2 Myghternedh 9:27

Mes pan welas Ahazia myghtern Yuda hemma ev a fias war an fordh dhe Beth-haggan. Yehu a'n siwyas, ow leverel, ‘Tennewgh orto ynwedh!’ Hag i a dennas orto y'n charett war an fordh a yskynn dhe Gur hag usi ryb Ybleam. Hag ev a fias dhe Megiddo ha merwel ena.

1 Kroniklys 6:70

ha dhiworth hanter-loeth Manasse, Aner gans hy feurvaow, ha Bileam gans hy feurvaow rag kordhow erell an Kohathysi.

1 Kroniklys 7:29

Yn perghennogeth Manasse yth esa Beth-shean ha'y threvow, Taanak ha'y threvow, Megiddo ha'y threvow, Dor ha'y threvow. Y'n re ma yth esa trigys mebyon Yosep mab Ysrael.

2 Kroniklys 35:22

Mes ny vynna Yosia treylya dhiworto, mes ev a doellwiskas y honan rag mayth omlattho er y bynn. Ny woslowas orth geryow Neko a anow Duw, mes ev a dheuth dhe vatalyas yn plen Megiddo.

Salmow 83:10

neb a verwis yn Endor, ha dos ha bos avel teyl rag an dor.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Zekaria 12:11

Y'n jydh na an kynvann yn Yerusalem a vydh meur, avel kynvann Hadad-rimmon yn nans Megiddo.

Yoshua 11:2

ha dhe'n vyghternedh an gledhbarth y'n vro venydhyek hag y'n Araba a'n dyghow dhe Kinnereth, hag y'n Shefela, hag yn Nafoth-dor a'n howlsedhes,

Yoshua 12:21

myghtern Taanak, onan; myghtern Megiddo, onan;

Yoshua 12:23

myghtern Dor yn Nafath-dor, onan; myghtern Goyim yn Galile, onan;

Yoshua 16:9

Yth esa ynwedh sitys settys a-denewen rag an Efraymysi a-ji dhe eretons mebyon Manasse, oll an sitys gans aga godrevow.

Yoshua 17:10

Yth o tir an dhyghowbarth dhe Efraym ha tir an gledhbarth dhe Manasse, ha'ga or o an mor; hag i a dochyas Asher y'n gledhbarth, hag Yssakar y'n howldrevel.

Yoshua 17:16

Mebyon Yosep a leveris, ‘Nyns yw lowr ragon an vro venydhyek; hag yma dhe oll an Kananysi trigys y'n plen charettow a horn, keffrys an re yn Beth-shean ha'y threvow ha'n re yn nans Yezreel.’

Breusysi 1:27

Ny wrug Manasse chasya dhe-ves trigoryon Beth-shean ha'y threvow, na Taanak ha'y threvow, na trigoryon Dor ha'y threvow, na trigoryon Ybleam ha'y threvow, na trigoryon Megiddo ha'y threvow; byttegyns an Kananysi a withas dalghenn y'n tir na.

Breusysi 5:19

‘Myghternedh a dheuth, i a omladhas; ena myghternedh Kanan a omladhas yn Taanak, ryb dowrow Megiddo; ny gemmersons preydh a arghans.

1 Samuel 28:7

Ena yn-medh Sowl dh'y wesyon, ‘Hwilewgh ragov nygromonsores, may hallav mos dhedhi, ha govynn orti.’ Y wesyon a leveris dhodho, ‘Otta, yma nygromonsores yn Endor.’

1 Samuel 31:10

I a worras y arvow yn chi Ashtaroth; hag i a fastyas y gorf orth fos Beth-shan.

1 Samuel 31:12

pub gour kolonnek a sevis, ha vyajya der an nos, ha kemmeres korf Sowl ha korfow y vebyon dhiworth fos Beth-shan. I a dheuth dhe Yabesh ha'ga leski ena.