Yoshua 14:6 - An Bibel Kernewek 20234 (Kernewek Kemmyn)

⁶ Ena mebyon Yuda a dheuth dhe Yoshua yn Gilgal; ha Kaleb mab Yefunne an Kenizzyas a leveris dhodho, ‘Ty a woer an pyth a leveris an Arloedh dhe Moyses gour Duw yn Kadesh-barnea y'm kever hag y'th kever.

Yoshua 14:6 Iomraidhean Croise

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 13:14

Ev eth war-lergh gour Duw, ha'y gavoes owth esedha yn-dann derebinthenn. Ev a leveris dhodho, ‘Osta gour Duw a dheuth a Yuda?’ Ev a worthybis, ‘Ov.’

2 Myghternedh 4:16

Ev a leveris, ‘Y'n seson ma, an termyn ma y'n vlydhen a dheu, ty a wra byrla mab.’ Ha hi a leveris, ‘Na, ow arloedh, ty wour Duw, na wowlever dhe'th vaghteth.’

2 Myghternedh 4:42

Gour a dheuth dhiworth Baal-shalisha, hag ev a dhros dhe wour Duw bara a'n kynsa frutys, ugens torth a heydh ha pennow-ys glas yn y sagh. Elisha a leveris, ‘Roy hemma dhe'n bobel may hallons dybri.’

2 Myghternedh 4:9

Yn-medh hi dh'y gour, ‘My a woer an den usi prest ow tremena omma bos gour sans a Dhuw.

2 Myghternedh 8:11

Hag ev a viras stag orto ha lagatta erna borthas meth, ha gour Duw a oelas.

2 Myghternedh 8:7

Elisha a dheuth dhe Damaskus; ha klav o Ben-hadad, myghtern Aram. Leverys veu dhe'n myghtern, ‘Gour Duw re dheuth omma’,

1 Kroniklys 23:14

Mes mebyon Moyses, gour Duw, a veu henwys yn mysk loeth Levi.

Salmow 90:1

A Arloedh, ty re beu agan skovva a unn henedh dhe'n nessa.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Niverow 13:26

Hag i a dheuth dhe Moyses hag Aron ha dhe'n kuntelles oll a vebyon Ysrael bys yn gwylvos Paran, dhe Kadesh; i a dhros ger dhedha ha dhe'n kuntelles oll, ha diskwedhes dhedha frut an tir.

Niverow 13:30

Mes Kaleb a goselhas an bobel a-rag Moyses, ha leverel, ‘Gwren mos yn-bann distowgh, ha'y gevannedhi; rag pur abel on dh'y fetha.’

Niverow 13:6

a-dhiworth loeth Yuda, Kaleb mab Yefunne;

Niverow 14:24

Mes ow gwas Kaleb, drefenn bos dhodho spyrys dihaval ha'm siwya yn leun, my a wra dri y'n tir mayth eth, ha'y dhiyskynnysi a'n pewvydh.

Niverow 14:30

nagonan a wra dos y'n tir le may tes vy agas gorra dhe driga, marnas Kaleb mab Yefunne ha Yoshua mab Nun.

Niverow 14:6

Ha Yoshua mab Nun ha Kaleb mab Yefunne, esa yn mysk an re a aspias an tir, a skwardyas aga dillas,

Niverow 26:65

Rag an Arloedh re lavarsa anedha, ‘I a wra merwel y'n gwylvos.’ Ny veu gesys nagonan anedha, marnas Kaleb mab Yefunne ha Yoshua mab Nun.

Niverow 32:12

nagonan marnas Kaleb mab Yefunne an Kenizzyas ha Yoshua mab Nun, rag i re holyas yn tien an Arloedh.”

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

Dewteronomi 34:10

Ha ny sevis profoes arta yn Ysrael avel Moyses, neb a wrug an Arloedh y aswonn fas orth fas,

Dewteronomi 34:5

Ytho Moyses, gwas an Arloedh a verwis ena yn pow Moab herwydh lavar an Arloedh.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 3:17

may fo den Duw gwiw ha parys yn leun rag pub ober da.

Yoshua 10:43

Ena Yoshua a dhehwelis hag oll Ysrael ganso dhe'n kamp yn Gilgal.

Yoshua 14:14

Ytho Hebron a dheuth ha bos eretons Kaleb mab Yefunne an Kenizzyas bys y'n jydh ma, drefenn ev dhe besya len dhe'n Arloedh, Duw Ysrael.

Yoshua 15:17

Othniel mab Kenaz, broder Kaleb a's dalghennas; hag ev a ros dhodho y vyrgh Aksa rag bos gwreg.

Yoshua 4:19

An bobel eth yn-bann dhiworth an Yordan yn degves dydh an kynsa mis, ha kampya yn Gilgal y'n tiredh a'n howldrevel dhe Yeriko;