Yoshua 14:4 - An Bibel Kernewek 20234 (Kernewek Kemmyn)

⁴ Rag mebyon Yosep o dew loeth, Manasse hag Efraym. Ny veu rann y'n tir res dhe'n Levysi, marnas sitys dhe driga ynna, gans aga feurvaow rag aga flokkys ha'ga greow.

Yoshua 14:4 Iomraidhean Croise

Jenesis 41:51

Ha Yosep a elwis hanow an kynsa-genys Manasse, ‘rag Duw re wrug dhymm ankevi oll ow throbel hag oll chi ow thas.’

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 46:20

Y feu dineythys dhe Yosep yn pow Ejyp Manasse hag Efraym, neb a wrug Asenath myrgh Potifera, oferyas On dineythi dhodho.

Jenesis 48:1

Y hwarva, wosa an taklow ma, nebonan dhe leverel dhe Yosep, ‘Otta, klav yw dha das.’ Ytho ev a gemmeras y dhew vab Manasse hag Efraym ganso.

Jenesis 48:5

Ha lemmyn, dhymmo vy yw dha dhew vab a veu dineythys dhis yn pow Ejyp kyns my dhe dhos dhiso yn Ejyp; Efraym ha Manasse a vydh dhymmo vy, kepar dell yw Rewben ha Simeon.

Jenesis 48:6

Ha'th agh dineythys genes war aga lergh a vydh dhiso jy. I a vydh gelwys war-lergh hanow aga breder yn aga eretons.

2 Kroniklys 30:1

Hezekia a dhannvonas dhe oll Ysrael ha Yuda, hag a skrifas lytherow ynwedh dhe Efraym ha dhe Manasse, may teffons dhe ji an Arloedh yn Yerusalem rag solempnya pask an Arloedh, Duw Ysrael.

Niverow 26:28

Mebyon Yosep herwydh aga theyluyow: Manasse hag Efraym.

Yoshua 16:4

Mebyon Yosep – Manasse hag Efraym – a gemmeras aga eretons.