Yoshua 14:12 - An Bibel Kernewek 20234 (Kernewek Kemmyn)

¹² Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

Yoshua 14:12 Iomraidhean Croise

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Salmow 60:12

Dre Dhuw y hwren ni obereth meur; ev yw neb a drett agan eskerens dhe'n dor.

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Niverow 21:34

Mes an Arloedh a leveris dhe Moyses, ‘Na borth own anodho; rag my re'n ros yn dha dhorn, hag oll y bobel, ha'y dir; ha ty a wra dhodho par dell wrussys dhe Sihon myghtern an Amorysi, esa trigys yn Heshbon.’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Filippianys 4:13

My a yll gul pup-tra dredho ev neb a re dhymm nerth.

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

Yoshua 15:14

Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

Breusysi 1:20

I a ros Hebron dhe Kaleb, kepar dell lavarsa Moyses, hag ev a jasyas dhe-ves an tri mab a Anak.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’