Yoshua 14:10 - An Bibel Kernewek 20234 (Kernewek Kemmyn)

¹⁰ Ytho lemmyn, awotta, an Arloedh re'm gwithas yn few, dell leveris, an pymp blydhen ha dewgens ma a-dhia'n termyn a gewsis an Arloedh an ger ma orth Moyses, pan esa Ysrael ow vyajya y'n gwylvos; hag ottavy y'n jydh ma, pymp bloedh ha peswar-ugens ow oes.

Yoshua 14:10 Iomraidhean Croise

Salmow 107:4

I a wandras y'n difeyth hag yn fordh an gwylvos, ny gavsons sita may trykkens ynni;

Salmow 91:7

Mil dhen a goedh ryb dha skoedh, ha deg mil orth dha leuv dhyghow, mes ny dheu hemma ogas dhiso.

Niverow 14:30

nagonan a wra dos y'n tir le may tes vy agas gorra dhe driga, marnas Kaleb mab Yefunne ha Yoshua mab Nun.

Niverow 14:38

Mes Yoshua mab Nun ha Kaleb mab Yefunne a besyas bos yn few, a'n wer neb eth dhe aspia an tir.

Yoshua 11:18

Lies dydh Yoshua a werryas erbynn oll an vyghternedh na.

Yoshua 13:1

Gyllys koth o Yoshua yn y dhydhyow; ha'n Arloedh a leveris dhodho, ‘Gyllys koth osta yn dha dhydhyow, hag yma gesys pur veur a dir rag bos eritys.

Yoshua 14:11

Yth ov vy hwath mar grev y'n jydh ma dell en y'n jydh a'm dannvonas Moyses; ow nerth lemmyn yw par dell o ow nerth ena, rag bresel, ha rag mos dhe-ves ha rag dos a-bervedh.

Yoshua 14:9

Moyses a dos y'n jydh na, “Surredi an tir may trettyas dha dreys warnodho a vydh eretons ragos ha rag dha vebyon bys vykken, drefenn ty dhe besya len dhe'n Arloedh ow Duw.”