Yoshua 11:6 - An Bibel Kernewek 20234 (Kernewek Kemmyn)

⁶ An Arloedh a leveris dhe Yoshua, ‘Na borth own a'ga govis: rag a-vorow dhe'n prys ma my a's delirv, pubonan ledhys, a-rag Ysrael: ty a evredh aga mergh, ha leski aga charettow gans tan.’

Yoshua 11:6 Iomraidhean Croise

2 Samuel 8:4

Davydh a gemmeras dhiworto mil varghek ha seyth kans, hag ugens mil droesek. Davydh a evredhis oll mergh an charettow, mes ev a asas lowr anedha rag kans charett.

2 Myghternedh 6:16

Ev a worthybis, ‘Na borth own, rag an re usi genen yw moy ages an re usi gansa.’

2 Kroniklys 20:16

A-vorow kewgh yn-nans er aga fynn; i a dheu yn-bann war leder Sis; hwi a's kyv orth penn an nans, a'n est dhe wylvos Yeruel.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Lavarow Koth 20:7

Den gwiryon a gerdh yn tivlam: gwynnvys y fleghes war y lergh.

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ezekiel 39:9

Ena an re trigys yn sitys Ysrael a yn-mes ha gorra tan y'n arvow ha'ga leski, skoesow ha boklers, gwaregow ha sethow, fustow-dorn ha guwow. Seyth blydhen i wra tan gansa.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Nahum 2:13

Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 11:5

Oll an vyghternedh ma a omguntellas war-barth, hag i a dheuth ha kampya war-barth ryb dowrow Merom, rag omladh erbynn Ysrael.

Yoshua 11:7

Ytho Yoshua a dheuth a-dhesempis, hag oll an soudoryon ganso, er aga fynn ryb dowrow Merom, ha koedha warnedha;

Yoshua 11:9

Ha Yoshua a wrug dhedha dell worhemmynnis an Arloedh dhodho: ev a evredhis aga mergh, ha leski aga charettow gans tan.

Yoshua 3:5

Yoshua a leveris dhe'n bobel, ‘Omsakrewgh; rag a-vorow an Arloedh a wra marthusyon yn agas mysk.’

Breusysi 20:28

ha Finehas mab Eleazar mab Aron, a servya a-ragdha y'n dydhyow na) ow leverel, ‘A wren ni mos yn-mes unnweyth arta rag batalyas orth agan breder, an Benyaminysi, po a wren ni hedhi?’ An Arloedh a worthybis, ‘Kewgh yn-bann rag a-vorow my a's re yn agas leuv.’

Breusysi 7:9

Y'n keth nos an Arloedh a leveris dhodho, ‘Sa'bann hag omsett erbynn an kamp; rag my re'n ros y'th leuv.

1 Samuel 11:9

I a leveris dhe'n kannasow neb a dheuth, ‘Yndella hwi a lever dhe wer Yabesh-gilead: “A-vorow erbynn an termyn may fydh an howl toemm, hwi a'gas bydh delivrans.” ’ An kannasow a dheuth ha derivas hemma orth gwer Yabesh, ha lowen ens.