Yoshua 11:22 - An Bibel Kernewek 20234 (Kernewek Kemmyn)

²² Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 11:22 Iomraidhean Croise

1 Myghternedh 2:39

Y hwarva dhe benn teyr vlydhen, y tienkas dew was a Shimei dhe Akish mab Maaka myghtern Gath. Leverys veu dhe Shimei, ‘Otta, yma dha wesyon yn Gath.’

1 Kroniklys 18:1

Wosa hemma, Davydh a weskis an Filistysi ha'ga iselhe, hag ev a gemmeras Gath ha'y threvow yn-mes a vaystri an Filistysi.

1 Kroniklys 8:13

Ynwedh Beria ha Shema; yth ens i pennow teyluyow trigys yn Ayyalon, hag i a fesyas trigoryon Gath;

2 Kroniklys 26:6

Ev eth yn-mes hag a werryas erbynn an Filistysi, hag ev a dorras dhe'n dor fos Gath ha fos Yabne ha fos Ashdod; ev a dhrehevis sitys yn tiredh Ashdod hag yn tylleryow erell yn mysk an Filistysi.

Ysay 20:1

Y'n vlydhen may teuth dhe Ashdod an Pennkaslewydh, a veu dannvenys gans Sargon myghtern Assyria, ha batalyas orth Ashdod ha'y hemmeres –

Oberow 8:40

Mes Felip a veu kevys yn Azotus, hag ow mos dres an pow ev a bregowthas an aweyl y'n sitys oll bys pan dheuth dhe Sesarea.

Dewteronomi 2:23

Ha'n Avvim, trigys yn godrevow bys yn Gaza, an Kaftorim, neb a dheuth dhiworth Kaftor, a's distruis ha triga yn aga le.)

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’

Yoshua 10:41

Ytho Yoshua a's gweskis dhiworth Kadesh-barnea dhe Gaza, hag oll tir Goshen, mar bell avel Gibeon.

Yoshua 15:14

Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

Yoshua 15:46

dhiworth Ekron dhe'n mor, oll esa ogas dhe Ashdod, gans aga godrevow.

Yoshua 15:47

Ashdod, gans hy threvow ha'y godrevow; Gaza, gans y threvow ha'y godrevow bys gover Ejyp, ha'n Mor Bras ha'n morrep.

Breusysi 1:18

Yuda a gemmeras Gaza ynwedh gans hy thiredh, hag Ashkelon gans hy thiredh, hag Ekron gans hy thiredh.

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.

1 Samuel 5:1

Wosa an Filistysi dhe gemmeres argh Duw, i a's dros dhiworth Ebenezer dhe Ashdod.