Yoshua 11:20 - An Bibel Kernewek 20234 (Kernewek Kemmyn)

²⁰ Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.

Yoshua 11:20 Iomraidhean Croise

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

1 Myghternedh 12:15

Yndella ny woslowas an myghtern orth an bobel, drefenn bos hemma destnys gans an Arloedh, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 22:7

Mes ordenys veu gans Duw may teffa terroes Ahazia der y vones yn-mes dhe vires Yoram. Yndella pan dheuth di ev eth yn-mes gans Yoram dhe vetya gans Yehu mab Numshi, neb a wrug an Arloedh y untya may tiswrella chi Ahab.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Eksodus 10:1

Ena an Arloedh a leveris dhe Moyses, ‘Ke bys yn Faro; rag my re galeshas y golonn ha kolonn y servysi may tiskwetthiv ow thoknys ma yntredha,

Eksodus 11:10

Moyses hag Aron a wrug oll an marthusyon ma a-rag Faro; ha'n Arloedh a galeshas kolonn Faro, ha ny asas mebyon Ysrael dhe vones yn-mes a'y dir.

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 14:8

Ha'n Arloedh a galeshas kolonn Faro myghtern Ejyp hag ev a siwyas mebyon Ysrael dell ethons yn-rag gans leuv ughel.

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Eksodus 9:12

Mes an Arloedh a galeshas kolonn Faro, ha ny woslowas orta; dell gowssa an Arloedh dhe Moyses.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Romanyon 9:18

Ytho ev a gemmer mersi war geniver a blekkyo dhodho hag ev a galesha kolonn keniver a blekkyo dhodho.

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Breusysi 14:4

Ny wodhya y das na'y vamm bos hemma dhiworth an Arloedh, rag yth esa ow hwilas acheson dhe oberi erbynn an Filistysi. Yn termyn na an Filistysi a's tevo maystri war Ysrael.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.