Yoshua 11:15 - An Bibel Kernewek 20234 (Kernewek Kemmyn)

¹⁵ Kepar dell worhemmynnis an Arloedh dhe Moyses y was, yndella Moyses a worhemmynnis dhe Yoshua, hag yndella Yoshua a wrug; ny asas travyth heb y wul dhiworth oll a worhemmynnis an Arloedh dhe Moyses.

Yoshua 11:15 Iomraidhean Croise

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

Niverow 33:50

Ha'n Arloedh a leveris dhe Moyses yn plenys Moab ryb Yordan a-dal Yeriko:

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Oberow 20:20

ha my heb hokya ow terivas pup-tra o dhe les dhywgh, hag orth agas dyski a-rag tus hag y'n chiow,

Oberow 20:27

rag ny omwithis vy rag derivas dhywgh oll an gusul a Dhuw.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 31:3

An Arloedh dha Dhuw y honan a dreus a-ragos. Ev a dhistru an kenedhlow ma a-ragos, ha ty a's erit. Yoshua, ev a dreus a-ragos kepar dell gewsis an Arloedh.

Dewteronomi 31:5

An Arloedh a's delirv a-ragowgh, ha hwi a wra dhedha war-lergh oll an gorhemmynn a worhemmynnis vy dhywgh.

Dewteronomi 31:7

Moyses a elwis Yoshua ha leverel dhodho a-wel dhe oll Ysrael, ‘Bydh krev ha bydh kolonnek; rag ty a dheu gans an bobel ma dhe'n tir a dos an Arloedh dh'aga thasow y ri dhedha, ha ty a wra dhedha y erita.

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Dewteronomi 4:5

Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 11:12

Yoshua a gemmeras oll sitys an vyghternedh na, hag oll aga myghternedh, ha'ga gweskel gans min an kledha, orth aga sakra dhe dhistruyans, dell worhemmynnsa Moyses gwas an Arloedh.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Yoshua 11:16

Ytho Yoshua a gemmeras oll an tir ma, an vro venydhyek, hag oll an Negeb, hag oll tir Goshen, ha'n Shefela, ha'n Araba, ha bro venydhyek Ysrael ha'y Shefela,

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.