Yoshua 11:14 - An Bibel Kernewek 20234 (Kernewek Kemmyn)

¹⁴ An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Yoshua 11:14 Iomraidhean Croise

2 Kroniklys 20:25

Pan dheuth Yehoshafat ha'y bobel dhe gemmeres an preydh, i a gavas chatel pals, shour a dhaffar, dillas, ha taklow drudh, hag i a's pyllas ragdha aga honan bys pan na's tevo degi moy. Tri dydh yth esens ow pylla an preydh, drefenn y balster.

Niverow 31:9

Ha mebyon Ysrael a gemmeras benynes Midyan yn kethneth ha'ga re vyghan; hag i a gemmeras yn preydh oll aga gwarthek, aga greow, hag oll aga gwara.

Dewteronomi 20:14

mes an benynes ha'n fleghigyow ha'n chatel ha pup-tra eus y'n dre, oll an preydh anedhi, ty a byll ragos dha honan, ha dybri preydh dha eskerens a wrug an Arloedh dha Dhuw y ri dhis.

Dewteronomi 20:16

Saw a drevow an poblow ma a wra an Arloedh dha Dhuw aga ri dhis avel eretons, ny esydh yn few travyth a anell,

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 11:11

I a weskis oll an dus esa ynni gans min an kledha, orth aga sakra dhe dhistruyans: nyns esa gesys kreatur vyth dhe anella: hag ev a loskas Hasor gans tan.

Yoshua 11:13

Mes ny loskas Ysrael nagonan a'n sitys usi hwath ow sevel war grugow, marnas Hasor, a wrug Yoshua hy leski.

Yoshua 11:15

Kepar dell worhemmynnis an Arloedh dhe Moyses y was, yndella Moyses a worhemmynnis dhe Yoshua, hag yndella Yoshua a wrug; ny asas travyth heb y wul dhiworth oll a worhemmynnis an Arloedh dhe Moyses.

Yoshua 8:2

Ty a wra dhe Ay ha'y vyghtern dell wrussys dhe Yeriko ha'y vyghtern; saw ty a yll gwitha ragowgh agas honan an preydh ha'n bestes. Sett kontrewaytyans erbynn an sita, a-dryv dhedhi.’

Yoshua 8:27

Mes an Ysraelysi a dhug dhe-ves ragdha i aga honan an bestes ha preydh an sita, war-lergh gorhemmynn an Arloedh dhe Yoshua.