Yoshua 10:41 - An Bibel Kernewek 20234 (Kernewek Kemmyn)

⁴¹ Ytho Yoshua a's gweskis dhiworth Kadesh-barnea dhe Gaza, hag oll tir Goshen, mar bell avel Gibeon.

Yoshua 10:41 Iomraidhean Croise

Jenesis 10:19

Hag amal an Kananysi o dhiworth Sidon ha ty ow tos troha Gerar bys yn Gaza, ha ty ow mos bys yn Sodom, Gomorra, Adma ha Seboyim bys yn Lasha.

1 Myghternedh 3:5

Yn Gibeon an Arloedh a omdhiskwedhas dhe Solomon yn hunros yn nos: ha Duw a leveris, ‘Govynn orthiv an pyth a vynnydh my dhe ri dhis.’

Zekaria 9:5

Ashkelon a'n gwel, ha perthi own, Gaza ynwedh, ha hi a wra gwynnel gans angoes, hag Ekron, rag hi a vydh toellys a'y govenek. Gaza a gyll hy myghtern, hag Ashkelon ny vydh annedhys.

Niverow 13:26

Hag i a dheuth dhe Moyses hag Aron ha dhe'n kuntelles oll a vebyon Ysrael bys yn gwylvos Paran, dhe Kadesh; i a dhros ger dhedha ha dhe'n kuntelles oll, ha diskwedhes dhedha frut an tir.

Niverow 32:8

Yndella y hwrug agas tasow, pan y's dannvenis a Kadesh-barnea dhe weles an tir.

Niverow 34:4

ha'gas or a wra treylya dhiworth an dhyghowbarth bys yn bolgh Akrabbim, ha treusi dhe Sin, ha'y benn a vydh a'n dhyghowbarth dhe Kadesh-barnea; ena y hwra mos yn-rag dhe Hasar-addar, ha tremena bys yn Asmon;

Oberow 8:26

Mes el an Arloedh a gewsis orth Felip, ow leverel, ‘Sav yn-bann ha ke troha'n dyghow y'n fordh ow mos war-nans dhiworth Yerusalem dhe Gaza.’ Hemm yw difeythtir.

Dewteronomi 1:19

Ena ni a omdennas dhiworth Horeb ha mos der oll an difeythtir bras hag euthyk a welsowgh, war an fordh dhe venydh an Amorysi, kepar dell worhemmynnis an Arloedh agan Duw dhyn; ha ni a dheuth bys yn Kadesh-barnea.

Dewteronomi 2:23

Ha'n Avvim, trigys yn godrevow bys yn Gaza, an Kaftorim, neb a dheuth dhiworth Kaftor, a's distruis ha triga yn aga le.)

Dewteronomi 9:23

Ha pan y'gas dannvonas an Arloedh dhiworth Kadesh-barnea, ow leverel, ‘Yskynnewgh hag eritewgh an tir a res dhywgh’, hwi a rebellyas erbynn gorhemmynn an Arloedh agas Duw, ha ny gryssowgh dhodho na goslowes orth y lev.

Yoshua 10:12

Ena Yoshua a gewsis dhe'n Arloedh y'n jydh pan dhelivras an Arloedh an Amorysi dhe'n Ysraelysi, hag ev a leveris yn golok Ysrael, ‘Howl, sav stag yn Gibeon, ha ty Loer, yn nans Ayyalon.’

Yoshua 10:2

ev a'n jeva own meur; rag Gibeon o sita vras, kepar hag onan an sitys ryel; hi o brassa ages Ay, hag oll hy gwer o kasoryon alloesek.

Yoshua 11:16

Ytho Yoshua a gemmeras oll an tir ma, an vro venydhyek, hag oll an Negeb, hag oll tir Goshen, ha'n Shefela, ha'n Araba, ha bro venydhyek Ysrael ha'y Shefela,

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 15:51

Goshen, Holon, ha Gilo: unnek sita gans aga godrevow.

Breusysi 16:1

Samson eth dhe Gaza, hag ena ev a welas hora hag a entras dhedhi.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

1 Samuel 6:17

An re ma yw an hwedhow owrek a dhaskorras an Filistysi avel offrynn kammweyth dhe'n Arloedh: onan rag Ashdod, onan rag Gaza, onan rag Ashkelon, onan rag Gath, onan rag Ekron;