Yoshua 10:40 - An Bibel Kernewek 20234 (Kernewek Kemmyn)

⁴⁰ Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 10:40 Iomraidhean Croise

1 Myghternedh 15:29

Pan dheuth ha bos myghtern, ev a ladhas oll teylu Yeroboam; ny asas dhe ji Yeroboam nagonan owth anella, bys pan y'n distrusa, herwydh ger an Arloedh a gewsis der y was Ahiya an Shilonyas.

Nehemia 9:24

Aga mebyon a entras hag erita an tir, ha ty a fethas a-dheragdha annedhysi an tir, an Kananysi, ha'ga ri yn aga leuv, gans aga myghternedh, ha poblow an tir, may hwrellens gansa herwydh aga flesour.

Salmow 9:17

An debeles a dhehwel dhe ifarn, oll an kenedhlow hag a ankovas Duw.

Eksodus 34:12

Kemmer with ma na wrylli kevambos gans annedhysi an vro mayth esos ow mones, ma na dheffo ha bos antell yn agas mysk.

Niverow 13:17

Moyses a's dannvonas dhe aspia pow Kanan, ha leverel dhedha, ‘Kewgh yn-hons y'n Negeb, hag yskynna y'n vro venydhyek,

Dewteronomi 1:7

Treylyewgh ha mos yn-kerdh ha dewgh dhe venydh an Amorysi, dhe oll aga hentrevogyon y'n Araba, y'n menydh hag y'n Shefela, hag y'n Negeb hag y'n arvor, tir an Kananysi, ha Lebanon, bys an avon veur, an avon Ewfrates.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 7:24

Ev a re aga myghternedh y'th leuv, ha distrui aga hanow a-dhann an ebron. Nagonan ny sev a-ragos bys pan y's distruydh.

Yoshua 10:35

hag i a's kemmeras y'n jydh na, ha'y gweskel a vin an kledha; ha peub esa ynni ev a sakras dhe dhistruyans, dell wrussa dhe Lakish.

Yoshua 10:37

i a's kemmeras, ha'y gweskel a vin an kledha, ha'y myghtern hag oll hy threvow, ha peub esa ynni. Ny asas dhe vos gesys denvyth, dell wrussa dhe Eglon; ev a's sakras dhe dhistruyans, hi ha peub esa ynni.

Yoshua 10:39

Ev a's kemmeras, hi ha'y myghtern hag oll hy threvow; i a's gweskis a vin an kledha, ha sakra dhe dhistruyans peub esa ynni; ny asas dhe vos gesys denvyth; dell wrussa dhe Hebron, yndella ev a wrug dhe Debir ha'y myghtern, ha kepar dell wrussa dhe Libna ha'y myghtern.

Yoshua 11:16

Ytho Yoshua a gemmeras oll an tir ma, an vro venydhyek, hag oll an Negeb, hag oll tir Goshen, ha'n Shefela, ha'n Araba, ha bro venydhyek Ysrael ha'y Shefela,

Yoshua 12:8

y'n vro venydhyek, y'n Shefela, y'n Araba, y'n ledrow, y'n gwylvos, hag y'n Negeb; tir an Hittysi, an Amorysi, an Kananysi, an Perizzysi, an Hivysi, ha'n Yebusysi:

Yoshua 18:21

Sitys loeth mebyon Benyamin war-lergh aga theyluyow o Yeriko, Beth-hogla, Emek-kesis,

Yoshua 6:17

An sita hag oll eus ynni a vydh sakrys dhe'n Arloedh rag distruyans. Mes Rahab an hora hag oll eus gensi yn hy chi a vew, rag hi a gudhas an kannasow a dhannvensyn.

Yoshua 8:2

Ty a wra dhe Ay ha'y vyghtern dell wrussys dhe Yeriko ha'y vyghtern; saw ty a yll gwitha ragowgh agas honan an preydh ha'n bestes. Sett kontrewaytyans erbynn an sita, a-dryv dhedhi.’

Yoshua 8:27

Mes an Ysraelysi a dhug dhe-ves ragdha i aga honan an bestes ha preydh an sita, war-lergh gorhemmynn an Arloedh dhe Yoshua.

Yoshua 9:24

I a worthybis dhe Yoshua, ‘Y feu derivys dhe'th wesyon an Arloedh dha Dhuw dhe worhemmynna dh'y was Moyses ri dhywgh oll an pow, ha distrui oll annedhysi an pow a-ragowgh; ytho ni a berthi own a'gan bewnans a'gas govis, ha rakhenna ni a wrug an dra ma.