Yoshua 10:4 - An Bibel Kernewek 20234 (Kernewek Kemmyn)

⁴ ‘Dewgh yn-bann dhe'm gweres, ha ni a wesk Gibeon; rag hi re wrug kres gans Yoshua ha gans an Ysraelysi’

Yoshua 10:4 Iomraidhean Croise

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Yoshua 10:1

Pan glewas Adoni-sedek myghtern Yerusalem, Yoshua dhe gemmeres Ay ha'y sakra dhe dhistruyans, dell wrussa dhe Yeriko ha'y myghtern, ha bos annedhysi Gibeon yn kres gans Ysrael hag yth esens trigys yn aga mysk,

Yoshua 10:5

Ena pymp myghtern an Amorysi – myghtern Yerusalem, myghtern Hebron, myghtern Yarmuth, myghtern Lakish ha myghtern Eglon – a omguntellas war-barth ha dos yn-bann gans oll aga luyow ha kampya erbynn Gibeon, hag omladh er hy fynn.

Yoshua 9:15

Yoshua a wrug kres gansa, ha gul kevambos gansa, rag sparya aga bewnans; ha ledyoryon an kuntelles a dos dhedha.

1 Peder 4:4

Marth a's teves na resowgh hwi gansa i dhe'n keth liv a wrians direwl, hag i a'gas kabel;

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.