Yoshua 10:16 - An Bibel Kernewek 20234 (Kernewek Kemmyn)

¹⁶ Mes an pymp myghtern ma a fias hag omgudh yn kav yn Makkeda.

Yoshua 10:16 Iomraidhean Croise

Salmow 68:12

‘Myghternedh a luyow a fias dhe'n fo!’ An venyn esa ow kortos yn tre a rannas an preydh.

Salmow 68:13

Kyn hwrowedhsowgh yn mysk an korlannow, yth owgh avel eskelli kolomm kudhys gans arghans, ha'y fluv gans owr melyn.

Amos 9:2

Kyn palons bys yn ifarn, ow dorn a's kemmer alena; kynth yskynnons dhe nev, my a's dre yn-nans alena.

Mika 7:17

i a lap an doust kepar ha sarf, kepar ha pedrevanes an dor: i a dheu ow kwynnel a'ga skovvaow, a dheu a-rag a'n Arloedh gans krena, hag own a's tevydh ahanas.

Yoshua 10:15

Ena Yoshua a dhehwelis, hag oll Ysrael ganso, dhe'n kamp yn Gilgal.

Yoshua 10:17

Ha derivys veu dhe Yoshua, ‘An pymp myghtern re beu kevys, kudhys y'n kav yn Makkeda.’

Yoshua 10:5

Ena pymp myghtern an Amorysi – myghtern Yerusalem, myghtern Hebron, myghtern Yarmuth, myghtern Lakish ha myghtern Eglon – a omguntellas war-barth ha dos yn-bann gans oll aga luyow ha kampya erbynn Gibeon, hag omladh er hy fynn.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.

Breusysi 6:2

Leuv Midyan a arwaskas Ysrael; ha drefenn Midyan mebyon Ysrael a wrug ragdha aga honan skovvaow yn savnow y'n menydhyow, ha fowys ha dinasow.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 24:3

Ev a dheuth dhe gorlannow an deves ryb an fordh, mayth esa kav; ha Sowl eth a-bervedh dhe gudha y dhewdroes. Lemmyn yth esa Davydh ha'y wer owth esedha a-ji dhe dhowna rannow an kav.

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.