Yoshua 1:9 - An Bibel Kernewek 20234 (Kernewek Kemmyn)

⁹ A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 1:9 Iomraidhean Croise

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:3

Ha'y arloedh a welas bos an Arloedh ganso, ha'n Arloedh dhe wul pup-tra esa ow kul dhe seweni yn y dhorn.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

2 Kroniklys 15:7

Mes hwi, bedhewgh krev, ha na esewgh dh'agas diwla bos lows; rag y fydh pewas a'gas ober.’

Salmow 46:7

Yma Arloedh an luyow genen ni; Duw Yakob yw agan skovva. Sela.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 8:12

Na leverewgh ‘Bras!’ pup-prys may hwra an bobel ma leverel bras, ha na berthewgh own a'ga own, na vedhewgh dyegrys.

Daniel 10:19

Yn-medh ev, ‘Na borth own, A wour karadow; kres re bo genes; bydh krev, ha bydh pur grev.’ Kettell gewsis orthiv, y feuv kennerthys, hag y leveris, ‘Re gowsso ow arloedh, rag ty re'm kennerthas.’

Haggay 2:4

Mes lemmyn bydh kolonnek, A Zerubbabel, yn-medh an Arloedh, ha bydh kolonnek, A arghoferyas Yoshua mab Yosedek, ha bedhewgh kolonnek, oll pobel an vro, yn-medh an Arloedh, hag oberewgh, drefenn ow bos genowgh, yn-medh Arloedh an luyow.

Haggay 2:5

Hemma a gevambosis genowgh pan dheuthewgh yn-mes a Ejyp; ow spyrys a bes yntredhowgh, na berthewgh own.

Oberow 4:19

Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh;

Dewteronomi 1:21

Mir, an Arloedh dha Dhuw re settyas a-ragos an tir. Yskynn, ha'y gemmeres yn perghennogeth, kepar dell gewsis dhis an Arloedh Duw dha dasow. Na borth own, ha na vydh digolonnek.’

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Dewteronomi 31:28

Kuntellewgh dhymm oll henavogyon agas loethow ha'gas soedhogyon, rag may kewssiv yn aga diwskovarn an geryow ma, ha gelwel nev ha nor yn test er aga fynn.

Yoshua 1:10

Ytho Yoshua a erghis dhe soedhogyon an bobel,

Yoshua 1:17

Par dell glewsyn pup-tra gans Moyses, yndella ni a glew genes. Lemen re bo an Arloedh dha Dhuw genes, par dell o gans Moyses!

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Yoshua 10:25

Yoshua a leveris dhedha, ‘Na berthewgh own ha na vedhewgh digolonnek. Bedhewgh krev ha hardh; rag an Arloedh a wra yndella dhe oll agas eskerens a omledhowgh er aga fynn.’

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 3:7

An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.

Yoshua 6:27

Ytho yth esa an Arloedh gans Yoshua; ha'y er-da a omlesas der oll an tir.

Yoshua 8:1

An Arloedh a leveris dhe Yoshua, ‘Na borth own ha na vydh digolonnek. Kemmer oll an soudoryon genes, ha ke yn-bann dhe Ay. Mir, my re ros myghtern Ay y'th leuv war-barth gans y bobel, y sita, ha'y dir.

Breusysi 6:14

Ena an Arloedh a dreylyas dhodho hag a leveris, ‘Ke y'th nerth ma ha delirv Ysrael a leuv Midyan; a ny wrugavy dha dhannvon?’

1 Samuel 10:7

Ytho pan dheu an toknys ma warnas, gwra pypynag a wra dha leuv y gavoes; rag yma Duw genes.