Yoshua 1:5 - An Bibel Kernewek 20234 (Kernewek Kemmyn)

⁵ Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 1:5 Iomraidhean Croise

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

1 Myghternedh 1:37

Kepar dell veu an Arloedh gans ow arloedh an myghtern, yndella re bo gans Solomon, ha gul y dron brassa ages tron ow arloedh myghtern Davydh.’

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Myghternedh 8:57

Bedhes genen an Arloedh agan Duw, par dell o gans agan tasow; bynner re wrello agan gasa na'gan forsakya,

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

Salmow 46:11

Yma Arloedh an luyow genen ni; Duw Yakob yw agan skovva. Sela.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Yeremia 1:8

Na borth own a-ragdha, rag yth esov genes, dhe'th telivra, yn-medh an Arloedh.’

Daniel 11:16

Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Romanyon 8:37

Mes yn oll an taklow ma moy es tryghoryon on dredho ev neb a'gan kara.

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Dewteronomi 4:31

(rag an Arloedh dha Dhuw yw Duw truedhek), ny wra ev kildenna dhiworthis na dha dhistrui, ha ny ankev kevambos dha dasow a dos dhedha.

Dewteronomi 7:24

Ev a re aga myghternedh y'th leuv, ha distrui aga hanow a-dhann an ebron. Nagonan ny sev a-ragos bys pan y's distruydh.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Yoshua 1:17

Par dell glewsyn pup-tra gans Moyses, yndella ni a glew genes. Lemen re bo an Arloedh dha Dhuw genes, par dell o gans Moyses!

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Yoshua 3:7

An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.

Yoshua 6:27

Ytho yth esa an Arloedh gans Yoshua; ha'y er-da a omlesas der oll an tir.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.

Breusysi 6:16

An Arloedh a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’

1 Samuel 10:7

Ytho pan dheu an toknys ma warnas, gwra pypynag a wra dha leuv y gavoes; rag yma Duw genes.