Yoshua 1:2 - An Bibel Kernewek 20234 (Kernewek Kemmyn)

² ‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.

Yoshua 1:2 Iomraidhean Croise

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Job 1:8

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog?’

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Niverow 12:7

Nansi gans ow gwas Moyses; ev yw len yn oll ow chi.

Dewteronomi 3:28

Mes gorhemmynn dhe Yoshua ha'y grevhe ha'y nertha, drefenn ev dhe dreusi a-rag an bobel ma, hag ev a wra dhedha erita an tir a welydh jy.’

Dewteronomi 31:7

Moyses a elwis Yoshua ha leverel dhodho a-wel dhe oll Ysrael, ‘Bydh krev ha bydh kolonnek; rag ty a dheu gans an bobel ma dhe'n tir a dos an Arloedh dh'aga thasow y ri dhedha, ha ty a wra dhedha y erita.

Dewteronomi 34:5

Ytho Moyses, gwas an Arloedh a verwis ena yn pow Moab herwydh lavar an Arloedh.

Yoshua 1:1

Lemmyn wosa mernans Moyses gwas an Arloedh, an Arloedh a gewsis dhe Yoshua mab Nun, menyster Moyses, ow leverel,

Yoshua 1:11

‘Tremenewgh der an kamp, hag erghewgh dhe'n bobel: “Pareusewgh agas boes; rag kyns penn tri dydh hwi a vydh ow treusi an Yordan ma, rag dos dhe erita an tir usi an Arloedh agas Duw ow ri dhywgh dh'y bewa.” ’