Yoshua 1:11 - An Bibel Kernewek 20234 (Kernewek Kemmyn)

¹¹ ‘Tremenewgh der an kamp, hag erghewgh dhe'n bobel: “Pareusewgh agas boes; rag kyns penn tri dydh hwi a vydh ow treusi an Yordan ma, rag dos dhe erita an tir usi an Arloedh agas Duw ow ri dhywgh dh'y bewa.” ’

Yoshua 1:11 Iomraidhean Croise

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Dewteronomi 11:31

Rag hwi a vydh ow treusi an Yordan dhe dhos dhe erita an tir a wra an Arloedh agas Duw y ri dhywgh, ha hwi a wra y berghenna, ha triga ynno.

Dewteronomi 3:18

Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,

Yoshua 1:10

Ytho Yoshua a erghis dhe soedhogyon an bobel,

Yoshua 1:2

‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.

Yoshua 3:2

Ytho dhe benn tri dydh an soedhogyon a dremenas der an kamp,