Yona 4:8 - An Bibel Kernewek 20234 (Kernewek Kemmyn)

⁸ Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Yona 4:8 Iomraidhean Croise

Jenesis 41:6

Hag otta, yth esa seyth penn-ys tanow, ha syghys gans gwyns an est owth egina war aga lergh.

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

1 Myghternedh 21:4

Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Job 7:15

may tewis ow enev tag ha mernans kyns es ow horf askornek.

Salmow 121:6

Ny'th wysk an howl dydhweyth, na'n loer yn termyn nos.

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Ekklesiastes 7:9

Na fisten y'th spyrys dhe serri, rag sorr a bowes yn askra fellyon.

An Gan a Ganow 1:6

Na vir orthiv rag ow bos nebes du, rag an howl re'm loskas. Serrys orthiv o mebyon ow mamm, y hwrussons dhymm bos gwithyades an gwinlannow, ow gwinlann ow honan ny wrug vy hy gwitha.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Yona 1:17

An Arloedh a dhannvonas pysk bras dhe lenki Yona; ha Yona a veu yn torr an pysk tri dydh ha teyr nos.

Yona 1:4

Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Yona 4:3

Ytho lemmyn, A Arloedh, kemmer ow bewnans dhiworthiv, my a'th pys, rag gwell dhymm yw mernans es bewnans.’

Yona 4:9

Ha Dhuw a leveris dhe Yona, ‘Yw da, ty dhe vos serrys a-dro dhe'n risinenn?’ Yn-medh ev, ‘Da yw my dhe vos serrys, bys y'n mernans.’

Matthew 20:12

ow leverel, “An re dhiwettha ma a wonedhas unn our ha ty a's gwrug kehaval dhyn ni neb re borthas begh an jydh ha'n toemmder.”

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Diskwedhyans 7:16

Ny's tevydh nown namoy, na syghes. Ha'n howl ny wra koedha warnedha, na toemmder vyth.

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’