Yona 2:7 - An Bibel Kernewek 20234 (Kernewek Kemmyn)

⁷ Pan glamderas ow enev ynnov, my a borthas kov a'n Arloedh, ha'm pysadow a dheuth dhis, dhe'th tempel sans.

Yona 2:7 Iomraidhean Croise

2 Kroniklys 30:27

Ena an oferysi ha'n Levysi a sevis yn-bann ha benniga an bobel, ha'ga lev o klewys; ha'ga fysadow a dheuth dh'y drigva sans yn nev.

Salmow 11:4

Yma an Arloedh yn y dempel sans, yma se an Arloedh y'n nevow; y dhewlagas a vir, kreghyn y dhewlagas a brev mebyon den.

Salmow 142:3

Pan glamderas ow spyrys a-bervedh ynnov ty a aswonnis ow hyns. Y'n fordh may kerdhyn i re gudhas maglenn er ow fynn.

Salmow 143:5

My a berth kov a'n dydhyow koth; my a breder a'th wriansow oll, my a breder a oberow dha dhiwleuv.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 27:13

Hemma a grysav, my dhe weles dader an Arloedh yn tir an re vew.

Salmow 42:11

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.

Salmow 42:5

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw; rag my a'n gormel prest rag selwyans y fas.

Salmow 43:5

Prag yth osta mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.

Salmow 65:4

Gwynnvys an den a dhewisydh hag a dhredh nes dhis, may trykko y'th klosyow; ni a vydh lenwys a dhader dha ji, ha'th tempel sans.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Yona 2:4

Ha my a leveris, ‘Pellhes ov vy a-dhiworth dha dhewlagas: fatell wrav vy mires arta troha'th tempel sans?’

Mika 1:2

Klewewgh, hwi boblow oll! Goslow, A norvys, ha pup-tra eus ynno! Bedhes an Arloedh Duw test er agas pynn, an Arloedh a'y dempel sans.

Habakkuk 2:20

Mes yma'n Arloedh yn y dempel sans: tewes a-dheragdho oll an nor!

Ebrowyon 12:3

Prederewgh anodho neb a borthas kemmys kedrynn a beghadoryon er y bynn, ma na vowgh skwith na digolonnek.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.