Yona 2:2 - An Bibel Kernewek 20234 (Kernewek Kemmyn)

² ow leverel, My a elwis y'm anken war an Arloedh, hag ev a worthybis dhymm; yn-mes a dorr ifarn y kriis vy rag gweres, ha ty a glewas ow lev.

Yona 2:2 Iomraidhean Croise

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

Salmow 116:3

Kerdyn ankow res eth a-dro dhymm; ha galarow ifarn a'm dalghennas; My a gavas anken hag ahwer.

Salmow 120:1

Y'm anken my a armas war an Arloedh, hag ev a worthybis dhymm.

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Salmow 22:24

Rag ny dhispresyas ev nag aborrya anken an den truan; ha ny gudhas y fas ragdho, mes pan grias warnodho ev a'n klewas.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 4:1

Gorthyp dhymm pan alwav, A Dhuw ow ewnder! Ty a'm gorras yn rydhses pan en vy yn anken. Bydh grassyes orthiv, ha klew ow fysadow.

Salmow 61:2

Dhiworth penn an nor y halwav warnas, pan yw gwann ow holonn. Hembronk vy dhe'n garrek yw ughella agesov.

Salmow 65:2

Ty neb a woslow orth pysadow, dhiso jy y teu pub kig.

Salmow 86:13

Rag meur yw dha dregeredh orthiv; ty re dhelivras ow enev dhiworth ifarn isella.

Ysay 14:9

Ifarn a-woeles yw amovys ragos, dhe'th vetya pan dheudh; ev a dhifun spyrysyon an re varow ragos oll myns a veu ledyoryon an norvys; ev a dhrehav dhiworth aga thronys oll myghternedh an kenedhlow.

Kynvannow 3:55

My a grias war dha hanow, A Arloedh, dhiworth downder an pytt.

Ezekiel 26:20

ena my a'th tre yn-nans gans an re a dhiyskynn dhe'n pytt, dhe'n bobel a dermynyow koth; ha my a'th wrav dhe driga y'n dor barth a-woeles, kepar hag yn magoryow an termynyow koth, gans an re a dhiyskynn dhe'n pytt, ma na ylli dehweles, na kavoes tyller yn mysk an re vew.

Ezekiel 31:14

Hemm yw ma na deffo an gwydh ryb an dowrow re ughel, ow settya aga thopp ynter an kommol. Na dyv gwydh nevra namoy dhe'n keth ughelder ma, oll an re a yv dowr; i oll yw destnys dhe'n mernans yn rannow isella an norvys; i a vydh yn mysk mebyon den, gans an re a dhiyskynn dhe'n pytt.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.

Luk 11:10

rag peub hag a wovynn a dhegemmer, ha neb a hwila a gyv, ha dhe neb a gnouk y fydh igerys.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Oberow 2:27

rag ny vynnydh gasa ow enev yn ifarn na ri dha Sans dhe weles podredhes.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

1 Samuel 1:16

Na gemmer dha vaghteth rag myrgh Belial, rag my re beu ow leverel yn-mes a'm preder meur ha'm poenvos oll an termyn ma.’

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.