Yona 1:4 - An Bibel Kernewek 20234 (Kernewek Kemmyn)

⁴ Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Yona 1:4 Iomraidhean Croise

Salmow 135:6

Pup-tra a vynnas an Arloedh, ev a'n gwrug yn nev hag yn nor, y'n moryow hag y'n downderyow oll.

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Salmow 148:8

tan ha keser, ergh ha niwlrew; gwyns hag annawel ow kewera y er;

Eksodus 10:13

Ytho Moyses a ystynnas y welenn dres pow Ejyp, ha'n Arloedh a dhros gwyns a'n howldrevel war an tir oll an jydh na hag oll an nos na; ha pan o myttin, gwyns an howldrevel a dhros an lokustes.

Eksodus 10:19

Ha'n Arloedh a dreylyas gwyns pur grev a'n howlsedhes, a dhrehevis an lokustes ha'ga herdhya y'n Mor Rudh; ny veu gesys lokust vyth yn pow Ejyp oll.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 15:10

Ty a hwythas gans dha wyns, an mor a's kudhas; i a sedhis avel plomm y'n dowrow bras.

Yeremia 51:16

Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Amos 4:13

Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

Niverow 11:31

Hag yth eth yn-rag gwyns a-dhiworth an Arloedh, hag y tros rynki a-dhiworth an mor, ha'ga gasa dhe goedha ryb an kamp, a-dro dhe vyaj unn jydh a'n tenewen ma ha vyaj unn jydh a'n tenewen arall, hag a-dro dhe dhew gevelin a-ugh enep an dor.