Yona 1:3 - An Bibel Kernewek 20234 (Kernewek Kemmyn)

³ Mes Yona a sevis rag fia dhe Tarshish, dhiworth golok an Arloedh. Ev eth yn-nans dhe Yoppa, ha kavoes gorhel ow mos dhe Tarshish. Ytho ev a ros an pris ha mos a-bervedh ynno, mayth ella gansa dhe Tarshish, a-dhiworth golok an Arloedh.

Yona 1:3 Iomraidhean Croise

Jenesis 3:8

Hag i a glewas lev an Arloedh Duw ow kerdhes y'n lowarth yn awel glor an jydh, hag Adam ha'y wreg a omgudhas dhiworth golok an Arloedh Duw, yn mysk gwydh an lowarth.

Jenesis 4:16

Ha Kayn eth yn-mes dhiworth golok an Arloedh ha triga yn pow Nod, est dhe Eden.

1 Myghternedh 19:3

Ena ev a borthas own; ev a sevis ha fia a-barth y vewnans, ha dos dhe Beer-sheba yn Yuda, hag ev a asas y was ena.

1 Myghternedh 19:9

Ena ev a dheuth dhe vogow, ha spena an nos ena. Ena ger an Arloedh a dheuth dhodho, ow leverel, ‘Pandr'a wredh omma Elias?’

2 Kroniklys 2:15

Ha lemmyn an ys, an heydh, an oyl, ha'n gwin, anedha may kewsis ow arloedh, a's dannvones dh'y wesyon.

2 Kroniklys 2:16

Ni a dregh py prennyer pynag a'th eus edhomm anedha a Lebanon, ha'ga dri dhis war skathow-kloes war an mor dhe Yoppa; ty a's deg yn-bann dhe Yerusalem.’

2 Kroniklys 9:21

Gorholyon an myghtern e dhe Tarshish gans gwesyon Hiram; unnweyth pub teyr blydhen gorholyon Tarshish a dho ow toen owr, arghans, dans-olifans, apys, ha payones.

Ezra 3:7

I a ros arghans ynwedh dhe'n seri men, ha dhe'n seri prenn; ha boes, diwes hag oyl dhe'n dus a Sidon, ha'n dus a Tyr, may trollens kederwydh a-dhiworth Lebanon dhe vor Yoppa, herwydh an kummyas a dhegemmersens dhiworth Kyrus myghtern Persia.

Job 1:12

Yn-medh an Arloedh dhe Satnas, ‘Otta, yma pup-tra oll a'n jeves y'th halloes, saw warnodho y honan na ystynn dha leuv.’ Ytho Satnas eth yn-rag mes a wel a'n Arloedh.

Job 2:7

Ytho Satnas eth yn-rag yn-mes a wel a'n Arloedh, ha plagya Job gans gwennennow kasadow dhiworth godhen y droes bys yn gwartha y benn.

Salmow 107:23

Kemmys a yn-nans dhe'n mor yn gorholyon, ow kul negys yn dowrow meur;

Ysay 2:16

hag erbynn oll gorholyon Tarshish, hag erbynn oll an lestri teg.

Ysay 23:1

Profoesans a-dro dhe Tyr. Oulyewgh, a worholyon Tarshish; rag gwastys yw, heb chi, heb porth. Dhiworth pow Kyprus yw diskudhys dhedha.

Ysay 23:10

Tremen dre dha dir avel an Nil, myrgh Tarshish; rag ny'th eus kay byth moy.

Ysay 23:6

Treusewgh dhe Tarshish, oulyewgh, annedhysi an arvor!

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Yeremia 10:9

Arghans mortholys yw dres a-dhiworth Tarshish, hag owr a-dhiworth Ufaz, gweyth an ser, hag a dhiwleuv an teudher; glas ha purpur yw aga gwisk: gweyth an seri sleygh yns.

Ezekiel 2:8

Mes ty, A vab den, goslow orth an pyth esov orth y gewsel orthis. Na vydh rebell avel an chi diwostydh na; igor dha anow ha deber an pyth esov ow ri dhis.

Ezekiel 27:12

Tarshish o dha gowethyas yn kenwerth, drefenn oll dha rychys a bub eghenn; i a geschanjyas arghans, horn, sten, ha plomm rag dha wara.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Yona 1:10

Ena an dus a's teva own bras, hag yn-medhons dhodho, ‘Pandr'yw hemma a wrussys?’ Rag an dus a wodhva, ev dhe vos ow fia a-dhiworth golok an Arloedh, rag ev re lavarsa dhedha.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Luk 9:62

Hag yn-medh Yesu dhodho, ‘Nyns yw gwiw dhe servya gwlaskor Duw an den neb a worro y leuv war an arader, ha mires war-dhelergh.’

Oberow 15:38

mes Powl a brederis na via 'vas y gemmeres gansa, rag ev dhe omdenna dhiworta yn Pamfylia ha rag nag eth gansa dhe'n gonis.

Oberow 26:19

‘Rakhenna, myghtern Agrippa, nyns en vy diwostydh dhe'n welesigeth nevek,

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Oberow 9:38

Lemmyn rag bos Lydda ogas dhe Yoppa, an dhyskyblon a glewas bos Peder ena ha dannvon dew wour dhodho, ow pysi, ‘Heb strechya, deus dhyn ni.’

Oberow 9:42

Hag y teuth ha bos godhvedhys dres oll Yoppa, ha lies a grysis y'n Arloedh.

Oberow 9:43

Hag y hwarva ev dhe wortos yn Yoppa lies dydh gans unn Simon, dyghtyer kreghyn.

1 Korinthianys 9:16

Rag mar pregowthav an aweyl, ny'm beus skila dhe vostya, rag dever yw gorrys warnav: go-vy mar ny bregowthav an aweyl!

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

Yoshua 19:46

Me-yarkon, ha Rakkon orth an or a-dal Yoppa.