Yoel 3:2 - An Bibel Kernewek 20234 (Kernewek Kemmyn)

² my a guntell oll an kenedhlow ha'ga hembronk dhe nans Yehoshafat, ha mos yn breus gansa ena, a-barth ow fobel ha'm ertach Ysrael, drefenn i dh'aga skattra yn mysk an kenedhlow ha ranna ow thir.

Yoel 3:2 Iomraidhean Croise

2 Kroniklys 20:26

Y'n peswora dydh yth omguntellsons yn nans Beraka, hag ena i a vennigas an Arloedh; rakhenna an tyller na re beu henwys nans Beraka bys y'n jydh ma.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Yeremia 12:14

Yndellma y lever an Arloedh erbynn oll ow thebel gentrevogyon, a doch an eretons a res dhe'm pobel Ysrael dh'y erita: Otta, my a's fes yn-mes a'ga thir, ha fesya chi Yuda a'ga mysk.

Yeremia 25:31

Tros a dheu bys yn penn an bys, rag an Arloedh a'n jeves ken erbynn an kenedhlow; ev a enter yn vreus erbynn kig oll; hag ev a worr an debeles dhe'n kledha, yn-medh an Arloedh.

Yeremia 49:1

A-dro dhe'n Ammonysi. Yndellma y lever an Arloedh: A nyns eus mebyon dhe Ysrael? A nyns eus her dhodho? Prag ytho yth eritas Milkom Gad ha'y bobel re annedhis yn y sitys?

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Ezekiel 25:8

Yndellma y lever an Arloedh Duw: Drefenn Moab ha Seir dhe leverel, Otta, chi Yuda yw avel oll an kenedhlow erell,

Ezekiel 34:6

Ow deves eth yn stray war oll an menydhyow, ha war bub bronn ughel; ow deves a veu skattrys war oll enep an nor, ha nagonan ny's hwilas na hwithra.

Ezekiel 35:10

Drefenn ty dhe leverel, ‘An dhiw genedhel ma ha'n dhew bow ma yw dhymmo vy, ha ni a's erit’, kyn feu an Arloedh ena,

Ezekiel 36:1

Ha ty, A vab den, profoes dhe venydhyow Ysrael, ha lever: Klewewgh ger an Arloedh.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Ezekiel 38:22

My a re breus warnodho dre bla ha dre woes; my a dhinwa glaw warnodho yn fros, ha keserennow, tan ha loskven, ha war y luyow ha war lies pobel eus ganso.

Ezekiel 39:11

Y'n jydh na my a re dhe Gog nans an re a dremen troha tu est an mor; ev a stopp hyns an dremenysi, rag Gog ha'y luyow a vydh ynkleudhys ena; henwys vydh Nans Hamon-gog.

Yoel 3:12

Gwres an kenedhlow difuna, ha dos yn-bann dhe nans Yehoshafat; rag my a esedh rag breusi oll an kenedhlow a-derdro.

Yoel 3:14

Routhow, routhow, yn nans an ervirans! Rag ogas yw dydh an Arloedh yn nans an ervirans.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Mika 4:12

Mes ny wodhons i tybyansow an Arloedh, ny gonvedhsons y dowl, ev dh'aga huntell avel manalow dhe'n leur-drushya.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.