Yoel 3:13 - An Bibel Kernewek 20234 (Kernewek Kemmyn)

¹³ Kemmerewgh yn-bann an gromman, rag an drevas yw adhves. Dewgh, trettyewgh, rag leun yw an winwask. An kerynyow a fenn, rag bras yw aga droktra.

Yoel 3:13 Iomraidhean Croise

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

Jenesis 18:20

An Arloedh a leveris ynwedh, ‘Rag bos an arm erbynn Sodom ha Gomorra bras, ha rag bos aga fegh pur boes,

Ysay 17:5

Ev a vydh avel myser a guntell ys, ha'y vregh a vys pennow-ys. Ev a vydh avel den a guntell gesigow pennow-ys yn nans Refaim.

Ysay 63:3

‘My re drettyas an winwask ow honan; dhiworth an kenedhlow nyns esa denvyth genev. My a's trettyas y'm sorr ha'ga stankya y'm konnar; aga sugen a lagennas war ow gwiskas, ha namma oll ow dillas.

Yeremia 51:33

Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Hosea 6:11

Ragos jy ynwedh, A Yuda, yma trevas settys, pan dreylyav kethneth ow fobel.

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.

Mark 4:29

Mes pan vo parys an drevas, desempis ev a worr an gromman ynni, rag bos devedhys an ysasver.’

Dewteronomi 16:9

Seyth seythun y niverydh dhis; dalleth nivera seyth seythun dhiworth dalleth termyn gorra an gromman war an ys.

Diskwedhyans 14:14

Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.