Yoel 2:3 - An Bibel Kernewek 20234 (Kernewek Kemmyn)

³ Tan a dhevor a-dheragdha, hag a-dryv dhedha flamm a lesk. An tir yw avel lowarth Eden a-dheragdha, hag a-dryv dhedha gwylvos difeyth; vri, ny vydh diank anedha.

Yoel 2:3 Iomraidhean Croise

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 2:8

Ha'n Arloedh Duw a blansas lowarth yn Eden troha'n howldrevel ha gorra ena an den re wrussa formya.

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 97:3

Tan a gerdh a-dheragdho, ha leski y eskerens a-derdro.

Eksodus 10:15

Rag i a gudhas enep an tir oll, may feu tewlhes an tir, hag i a dhybris oll an plansow y'n tir, hag oll frut an gwydh a veu gesys gans an keser; ha nyns esa glasneth vyth, na gwydhenn na plansow an gwel, dre bow Ejyp oll.

Eksodus 10:5

hag i a wra kudha enep an tir, ma na wello denvyth an tir; hag i a wra dybri an pyth eus gesys dhis wosa an keser, hag i a wra dybri oll agas gwydh a dyv y'n gwel.

Ysay 14:17

neb a wrug an nor avel gwylvos, neb a dhomhwelas y sitys, ha ny asas y brisnoryon dhe vos tre?’

Ysay 15:6

Dowrow Nimrim yw ynyal, an gwels yw sygh, an aswels a fyll; nyns eus glasneth na fella.

Ysay 33:4

Preydh a vydh kuntellys kepar dell ve gans an lokust; avel hes a lokustes i a lamm warnodho.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Ezekiel 36:35

Yn-medhons, ‘An tir ma, hag a veu ynyal, re dheuth ha bos avel lowarth Eden, ha'n sitys, hag a veu magoryow hag ynyal ha terrys dhe'n dor, yw kerys hag annedhys.’

Amos 7:4

An Arloedh Duw a dhiskwedhas hemma dhymm: hag otta, yth esa an Arloedh Duw ow kelwel rag prov dre dan, ha'n tan a dhevoryas an islonk meur, hag a dhevoryas rann a'n tir.

Habakkuk 1:6

Rag, otta, my a sord an Kaldeanys, kenedhel hwerow ha fysk, a geskerdh dre les an tir rag sesya annedhow nag esons dhedha.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.