Yoel 2:27 - An Bibel Kernewek 20234 (Kernewek Kemmyn)

²⁷ Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Yoel 2:27 Iomraidhean Croise

Salmow 46:5

Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Ysay 45:6

rag may hwodhvons, dhiworth an howldrehevel ha dhiworth an howlsedhes, nag eus nagonan a-der my, my yw an Arloedh ha nyns eus ken.

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ezekiel 37:6

Ha my a worr warnowgh giow, ha gul kig dhe devi warnowgh, ha'gas kudha gans kneus; ha my a worr ynnowgh anall ha hwi a vew. Ena hwi a woer my dhe vos an Arloedh.’

Ezekiel 39:22

Ha chi Ysrael a woer, my dhe vos an Arloedh aga Duw, a'n jydh na hag yn-rag.

Ezekiel 39:28

Ena i a woer my dhe vos an Arloedh aga Duw, rag my dh'aga dannvon yn divroedh yn mysk an kenedhlow; hag ena my a's kuntellas yn aga thir aga honan, heb gasa nagonan anedha ena.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Yoel 2:26

Hwi a dheber ha bos lenwys, ha gormel hanow an Arloedh agas Duw, neb re'gas dyghtyas marthys da, ha ny wra ow fobel perthi meth bynitha.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Yoel 3:21

My a gemmer dial a'ga goes, ha ny asav denvyth dhe vos heb kessydhyans, rag an Arloedh a drig yn Sion.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Niverow 11:29

Mes Moyses a leveris dhodho, ‘A berthydh avi a'm govis vy? A pe pobel oll an Arloedh profoesa, may hworro an Arloedh y spyrys warnedha!’

Niverow 23:21

Ny welir anewnder yn Yakob; na ny welas ahwer yn Ysrael. Yma an Arloedh aga Duw gansa, hag yma garm myghtern yn aga mysk.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Dewteronomi 23:14

Rag an Arloedh dha Dhuw a gerdh yn mysk dha gamp dhe'th sawya ha dhe dhelivra dha eskerens a-ragos. Dha gamp a vydh sans, ma na wello ynnos travyth anwiw, ha treylya a-dhiworthis.

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.