Yoel 2:26 - An Bibel Kernewek 20234 (Kernewek Kemmyn)

²⁶ Hwi a dheber ha bos lenwys, ha gormel hanow an Arloedh agas Duw, neb re'gas dyghtyas marthys da, ha ny wra ow fobel perthi meth bynitha.

Yoel 2:26 Iomraidhean Croise

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Salmow 103:5

neb a'th lenow a dhader hedre vi bew mayth yw nowydhhes dha yowynkneth kepar ha'n er.

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 13:6

My a gan dhe'n Arloedh, rag ev re beu hel orthiv.

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Salmow 37:19

Ny berthons meth yn droktermyn, hag yn dydhyow esow i a vydh lenwys.

Salmow 67:5

Re'th wormello an poblow, A Dhuw; re'th wormello oll an poblow.

Salmow 72:18

Benniges re bo an Arloedh Duw, Duw Ysrael, neb y honan a wra marthusyon;

Lavarow Koth 13:25

An den gwiryon a dheber dhe walgh y enev, mes torr an debeles a berth esow.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 29:22

Rakhenna yndellma y lever an Arloedh, neb a dhasprenas Abraham, a-dro dhe ji Yakob: Na fella ny vydh Yakob ow kemmeres meth, ha na fella ny vydh y fas gwannliwek;

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Levitikus 25:19

Ha'n tir a re y frut ha hwi a dheber dha walgh ha triga ynno yn sawder.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Levitikus 26:5

Ha'gas termyn fusta a bes bys yn termyn trevas an grappys, ha trevas an grappys a bes bys yn termyn hasa; ha hwi a dheber agas bara dhe walgh, ha triga yn agas tir yn saw.

Mika 6:14

Ty a wra dybri, mes ny' fydh dha walgh, hag y fydh nown dhis y'th kolodhyon; ty a wra kuntell mes heb gwitha saw, ha'n pyth a withydh a rov dhe'n kledha.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Romanyon 10:11

Rag an skryptor a lever, ‘Ny'n jevydh meth neb a grysso ynno.’

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

Dewteronomi 11:15

My a re gwels y'th wel rag dha jatel, may typpri ha bos gwalghys.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 8:10

Pan dhybrydh ha bos gwalghys, ena ty a vennik an Arloedh dha Dhuw rag an tir da a ros dhis.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.