Yoel 2:19 - An Bibel Kernewek 20234 (Kernewek Kemmyn)

¹⁹ An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Yoel 2:19 Iomraidhean Croise

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 36:15

Ny asav dhis klewes skorn an poblow namoy, na perthi keredh an kenedhlow namoy; ny wredh dhe'n genedhel trebuchya namoy, yn-medh an Arloedh Duw.

Ezekiel 36:29

My agas saw dhiworth oll agas avlander. My a elow dhe'n ys ha'y voghhe, ha ny worrav divoetter warnowgh.

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Hosea 2:15

My a re dhedhi hy gwinlannow alena, ha nans Akor avel daras govenek. Ena hi a worthyp kepar hag yn dydhyow hy yowynkneth, kepar hag y'n jydh may teuthons yn-bann yn-mes a bow Ejyp.

Hosea 2:21

Y'n jydh na my a worthyp, yn-medh an Arloedh, my a worthyp dhe'n nevow, hag i a worthyp dhe'n nor.

Hosea 2:22

Ha'n tir a worthyp dhe'n ys ha dhe'n gwin ha dhe'n oyl; hag i a worthyp dhe Yezreel.

Yoel 1:10

Gwastys yw an gwel, an tir a dhesygh; drefenn bos gwastys an ys; desyghys yw an gwin nowydh, an oyl a fyll.

Yoel 2:24

An leuryow-drushya a vydh leun a ys, ha'n gwinwaskow a fenn a win hag oyl.

Levitikus 26:5

Ha'gas termyn fusta a bes bys yn termyn trevas an grappys, ha trevas an grappys a bes bys yn termyn hasa; ha hwi a dheber agas bara dhe walgh, ha triga yn agas tir yn saw.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.