Yoel 2:17 - An Bibel Kernewek 20234 (Kernewek Kemmyn)

¹⁷ Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Yoel 2:17 Iomraidhean Croise

1 Myghternedh 6:3

An portal a-rag sentri an chi o ugens kevelin hy les, a-dreus les an chi, ha deg kevelin o hy les a-rag an chi.

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

2 Kroniklys 7:20

ena my a'th tiwreydh dhiworth an tir a res vy dhis; ha'n chi ma a sakris rag ow hanow my a dewl yn-mes a'm golok, ha my a'n wra henlavar ha ges yn mysk oll an poblow.

2 Kroniklys 8:12

Ena Solomon a offrynnas offrynnow leskys dhe'n Arloedh war alter an Arloedh, re dhrehevsa a-rag an portal,

Nehemia 9:36

Otta, hedhyw kethyon on ni! Y'n tir a resys dh'agan tasow dhe dhybri y froeth ha'y daklow da, otta, kethyon on ni ynno!

Salmow 115:2

Prag y lever an kenedhlow ‘Ple'ma aga Duw?’

Salmow 42:10

Ha'm eskern ow pos brewys, ow eskerens a'm skorn, ow leverel dhymm oll an jydh, ‘Ple'ma dha Dhuw?’

Salmow 42:11

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.

Salmow 42:3

Ow dagrow re beu ow bara dydh ha nos, hag i ow leverel dhymm oll an jydh, ‘Ple'ma dha Dhuw?’

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 74:10

Pygemmys prys, A Dhuw, y hwra an eskar ges? A dhispres an eskar dha hanow bys vykken?

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Salmow 89:41

Oll an dremenysi a'n pyll; ev a dheuth ha bos skorn dh'y gentrevogyon.

Salmow 89:51

An despit ganso may skornyas dha eskerens, A Arloedh, may skornsons olow dha Untys.

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yoel 1:9

Treghys dhe-ves yw offrynn greun hag offrynn diwes a-dhiworth chi an Arloedh; an oferysi a gyn, menystrys an Arloedh.

Amos 7:2

Ha pan gowldhyb'sens losow an dor, yn-medhav, ‘A Arloedh Duw, gav, my a'th pys! Fatell yll Yakob sevel? rag byghan yw.’

Amos 7:5

Ytho yn-medhav, ‘A Arloedh Duw, hedh, my a'th pys! Fatell yll Yakob sevel? rag byghan yw.’

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Malaki 1:9

Lemmyn, ytho, pysewgh war Dhuw may hwrello agan favera. Dhiworth agas leuv yw hemma! A wra ev diskwedhes favour dhe dhenvyth ahanowgh? yn-medh Arloedh an luyow.

Niverow 25:6

Hag otta, onan a vebyon Ysrael a dheuth hag a dhros Midyanyades dh'y vreder yn golok Moyses hag yn golok an kuntelles oll a vebyon Ysrael, hag i owth oela orth daras tylda an kuntelles.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’