Yoel 2:14 - An Bibel Kernewek 20234 (Kernewek Kemmyn)

¹⁴ Piw a woer mar kwra ev dehweles ha kemmeres edrek, ha gasa bennath a-dryv dhodho, offrynn greun hag offrynn diwes dhe'n Arloedh agas Duw?

Yoel 2:14 Iomraidhean Croise

2 Samuel 12:22

Yn-medh ev, ‘Pan o an flogh hwath yn few, my a benysas hag oela; rag my a leveris, “Piw a woer mara pydh an Arloedh grassyes dhymm, may fewo an flogh?”

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Eksodus 32:30

An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Ysay 65:8

Yndellma y lever an Arloedh: Dell yw an sugen hwath kevys yn bagas a rappys, ha den a lever, ‘Na wra y dhistrui, rag yma bennath ynno’, yn kettella my a wra a-barth ow servysi, heb distrui peub oll.

Yeremia 18:8

mar treyl an genedhel na, a gewsis er hy fynn, a-dhiworth hy drogedh, my a gyv edrek a'n drogedh a vynnis y wul dhedhi.

Yeremia 26:13

Ytho lemmyn gwellhewgh agas fordhow ha'gas gwriansow ha klewewgh lev an Arloedh agas Duw, ha'n Arloedh a dreyl y vrys a-dro dhe'n anfeusi re leveris er agas pynn.

Yeremia 26:3

Martesen i a woslow, ha pub den oll a dreyl a-dhiworth y fordh dhrog may treylyav ow brys a-dro dhe'n anfeusi a dewlav dri warnedha drefenn aga drog wriansow.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yoel 1:16

A nyns yw treghys dhe-ves an boes a-rag agan lagasow, lowena ha heudhder dhiworth chi agan Duw?

Yoel 1:9

Treghys dhe-ves yw offrynn greun hag offrynn diwes a-dhiworth chi an Arloedh; an oferysi a gyn, menystrys an Arloedh.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Yona 1:6

An kapten a dheuth dhodho ha leverel, ‘Dar! prag yth es'ta ow koska? Sav, galw war dha Dhuw. Martesen Duw a wra vri ahanan, ma na wryllyn mos dhe goll.’

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

1 Samuel 6:5

Ytho hwi a wra imajys a'gas hwedhow hag imajys a'gas logos neb a dhiswra an tir, ha hwi a re glori dhe Dhuw Ysrael; martesen ev a skavha y dhorn a-dhiwarnowgh hag a-dhiwar agas duwow hag a-dhiwar agas tir.