Yoel 2:1 - An Bibel Kernewek 20234 (Kernewek Kemmyn)

¹ Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:1 Iomraidhean Croise

1 Kroniklys 15:28

Oll Ysrael a dhros yn-bann argh kevambos an Arloedh gans garmow, gans son korn, hirgern ha symbalys, ha son telynnow ha sowtris.

Salmow 119:120

Ow hig a gren rag own ahanas, ha my a berth own a'th vreusow.

Salmow 87:1

Yma hy sel hi war an menydhyow sans;

Eksodus 10:14

Ha'n lokustes a dheuth dres oll pow Ejyp, ha powes war bow Ejyp oll; hes mar dew, bythkweth kyns ny veu gwelys lokustes a'n par ma, na ny vydh yndellma a-wosa.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 13:9

Otta, dydh an Arloedh a dheu, fell, gans konnar ha sorr fers, dhe wul an tir ynyal ha distrui peghadoryon dhiworto.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Yeremia 16:10

Ha pan dhiskwedhydh dhe'n bobel ma oll an geryow ma, hag y leverons dhis, ‘Prag y leveris an Arloedh oll an drogedh meur er agan pynn? po pyth yw agan kammhynseth? ha pyth yw agan pegh a wrussyn erbynn an Arloedh agan Duw?’

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Ezekiel 12:23

Rakhenna lavar dhedha, ‘Yndellma y lever an Arloedh Duw: My a worr diwedh dhe'n henlavar ma, ha ny'n leverons arta yn Ysrael.’ Mes lavar dhedha, An dydhyow re dheuth nes, ha keweras pub gwelesigeth.

Ezekiel 21:12

Garm hag oul, A vab den, rag yth yw erbynn ow fobel, yth yw erbynn oll pennsevigyon Ysrael. Tewlys yns dhe'n kledha war-barth gans ow fobel. Rakhenna hwett dha vordhos!

Ezekiel 30:3

Rag ogas yw an jydh, ogas yw dydh an Arloedh; y fydh dydh a gommol, prys breus an kenedhlow.

Ezekiel 33:3

ha mar kwel ev an kledha ow tos war an tir, ha hwytha an hirgorn, ha gwarnya an bobel,

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Ezekiel 7:10

Otta an jydh! Otta re dheuth! An vreus res eth yn-mes; an welenn re vleujyowas, balghder re eginas.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Daniel 6:26

Ordenans a wrav, yn pub arloetteth a'm ruvaneth, may hwrello tus krena ha kavoes own a-rag Duw Daniel, Rag ev yw an Duw bew, neb a dhur bys vykken; nevra ny vydh y wlaskor distruys, ha'y roweth a vydh bys y'n diwedh.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Yoel 2:15

Hwythewgh an hirgorn yn Sion, sakrewgh penys, gelwewgh kuntelles solem.

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Yoel 3:14

Routhow, routhow, yn nans an ervirans! Rag ogas yw dydh an Arloedh yn nans an ervirans.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Amos 5:18

Go-i an re yw hwansek dhe dhydh an Arloedh! Pandr'a vydh dydh an Arloedh dhy'hwi? Tewlder vydh, ny vydh golow;

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Sefania 1:14

Ogas yw dydh meur an Arloedh, ogas, hag ow tos pur uskis, lev dydh an Arloedh yw hwerow: ena an kasor a skrij.

Sefania 1:16

dydh hirgorn ha garm kas erbynn an sitys kerys hag erbynn an touryow ughel.

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Zekaria 14:1

Awotta, dydh a dheu rag an Arloedh, may fo rynnys dha breydh a-berth ynnos.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Niverow 10:2

Gwra dew hirgorn yn arghans; yn ober mortholys ty a's gwra; ha ty a wra devnydh anedha rag gelwel an kuntelles, ha rag terri kamp.

Niverow 10:3

Ha pan vydh an dhew hwythys, oll an kuntelles a wra omguntell dhis dhe dharas tylda an kuntelles.

1 Korinthianys 14:8

Rag hirgorn mar tyllo son nag yw diblans, piw a wra ombareusi rag an gas?

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

Jamys 5:8

Perthewgh hwi ynwedh. Fastyewgh agas kolonn, rag devedhyans an Arloedh re dheuth nes.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

Diskwedhyans 6:17

rag devedhys yw dydh meur aga sorr, ha piw a yll sevel?