Yoel 1:7 - An Bibel Kernewek 20234 (Kernewek Kemmyn)

⁷ Hi re dhifeythyas ow gwinbrenn, ha terri ow figbrenn; hi re'n diruskas glan ha'y dewlel dhe-ves; y skorrennow yw gwrys gwynn.

Yoel 1:7 Iomraidhean Croise

Salmow 105:33

Hag ev a weskis aga gwinbrennyer ha'ga figbrennyer, ha terri an gwydh esa yn aga oryon.

Eksodus 10:14

Ha'n lokustes a dheuth dres oll pow Ejyp, ha powes war bow Ejyp oll; hes mar dew, bythkweth kyns ny veu gwelys lokustes a'n par ma, na ny vydh yndellma a-wosa.

Eksodus 10:15

Rag i a gudhas enep an tir oll, may feu tewlhes an tir, hag i a dhybris oll an plansow y'n tir, hag oll frut an gwydh a veu gesys gans an keser; ha nyns esa glasneth vyth, na gwydhenn na plansow an gwel, dre bow Ejyp oll.

Ysay 24:7

Gwin nowydh a dhesygh ha'n gwinbrenn a wedher; oll an re yw heudh aga holonn a hanas.

Ysay 32:12

Gweskewgh war agas diwvronn rag an gwelyow desiradow, rag an gwinbrennyer feyth,

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Yeremia 8:13

My a's kuntell yn leun, yn-medh an Arloedh: ny vydh gwinreun war an gwinbrenn, na ny vydh figys war an figbrenn, ha'n del a wedher; ha'n pyth a res dhedha a dremen a-dhiworta.

Hosea 2:12

My a wra difeythya hy gwinbrennyer ha'y figbrennyer, may leveris anedha, ‘Ow pewas yns i, a rosons ow haroryon dhymm.’ My a's gwra goedhel, ha bestes an gwel a's deber.

Yoel 1:12

Desyghys yw an gwinbrenn, ha'n figbrenn a wannha; an reunavalwydhenn, an balmwydhenn ynwedh, ha'n avalwydhenn, devri oll gwydh an gwel: yw gwedhrys; rag gwedhrys yw lowena a-dhiworth mebyon den.

Amos 4:9

My a'gas gweskis gans kleves losk ha kleves melynheans y'n ys; agas lowarthyow ha gwinlannow pals, agas figbrennyer ha'gas olewbrennyer a veu dybrys gans an lokust yowynk; byttegyns ny dhehwelsowgh dhymm, yn-medh an Arloedh.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Malaki 3:11

My a wra keredhi an hes a dhevor ragowgh hwi ma na dhistru an frut a'gas tir, ha'n gwinbrenn y'n gwel ny vydh heb frut, yn-medh Arloedh an luyow.