Yoel 1:12 - An Bibel Kernewek 20234 (Kernewek Kemmyn)

¹² Desyghys yw an gwinbrenn, ha'n figbrenn a wannha; an reunavalwydhenn, an balmwydhenn ynwedh, ha'n avalwydhenn, devri oll gwydh an gwel: yw gwedhrys; rag gwedhrys yw lowena a-dhiworth mebyon den.

Yoel 1:12 Iomraidhean Croise

Salmow 4:7

Ty re worras lowender y'm kolonn moy ages y'n termyn may feu aga ys ha'ga gwin ynkressys.

Salmow 92:12

An den gwiryon a las avel an balmwydhenn, hag ev a dyv avel kederwydhenn yn Lebanon.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 4:13

Dha eginyow yw paradhis a reunavalow gans frut dentethyel, henna gans spiknard,

Ysay 16:10

Lowena ha heudhder yw kemmerys dhiworth an tir feyth, hag y'n gwinlannow denvyth ny gan, na garma yn lowen; denvyth ny drett gwin y'n gwinwaskow. My re wrug an arm dhe hedhi.

Ysay 24:11

I a oul rag gwin y'n stretys; oll lowena a dewlha, heudhder yw pellhes dhiworth an tir.

Ysay 24:7

Gwin nowydh a dhesygh ha'n gwinbrenn a wedher; oll an re yw heudh aga holonn a hanas.

Ysay 9:3

Ty re gressyas an genedhel, ty re veurhas an lowena; i a lowenha a-ragos kepar hag yn lowender an goeldheys, kepar dell yw tus fest heudhik pan rannons preydh.

Yeremia 48:3

Lev kri a-dhiworth Horonaym: ‘Ynyalder, ha distruyans meur!’

Yeremia 48:33

Heudhder ha lowena yw kemmerys dhe-ves a'n tir feyth a Moab; my re wrug dhe hedhi gwin a'n gwinwaskow; ny drett denvyth gans garmow lowender; an arm ny vydh garm a lowender.

Yoel 1:10

Gwastys yw an gwel, an tir a dhesygh; drefenn bos gwastys an ys; desyghys yw an gwin nowydh, an oyl a fyll.

Yoel 1:16

A nyns yw treghys dhe-ves an boes a-rag agan lagasow, lowena ha heudhder dhiworth chi agan Duw?

Yona 4:7

Mes ternos pan dheuth an bora Duw a dhannvonas pryv, hag ev a weskis an risinenn, ha hi a wedhras.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Malaki 3:11

My a wra keredhi an hes a dhevor ragowgh hwi ma na dhistru an frut a'gas tir, ha'n gwinbrenn y'n gwel ny vydh heb frut, yn-medh Arloedh an luyow.

Niverow 13:23

Hag i a dheuth dhe nans Eshkol, ha treghi alena skorrenn gans unn bagas a rappys, hag i a's dug war welenn yntra dew anedha; i a dhros ynwedh greunavalow ha figys.