Yoel 1:11 - An Bibel Kernewek 20234 (Kernewek Kemmyn)

¹¹ Kemmerewgh meth, hwi diogyon; oulyewgh, a hwi wonedhysi gwinlannow, rag an gwaneth ha rag an heydh, drefenn bos diswrys trevas an gwel.

Yoel 1:11 Iomraidhean Croise

Ysay 17:11

kyn hwredh dhedha tevi y'n jydh ma's plensydh, ha gul dhedha bleujyowa y'n myttin ma's graffydh, hwath an drevas a fi dhe-ves yn dydh a galar ha payn heb remedi.

Yeremia 14:2

Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 50:16

Treghewgh an gonador dhiworth Babylon, hag ev neb a handel an gromman yn prys mysi; drefenn kledha an arwasker i oll a dhehwel dh'aga fobel aga honan, hag i oll a fi dh'aga thir aga honan.

Yeremia 9:12

Piw yw an gour doeth, a yll konvedhes hemma, may kewsis ganow an Arloedh dhodho, ma'n disklerro? Prag yth yw an tir diswrys ha gwastys kepar ha gwylvos, ma na dremen denvyth?

Ezekiel 30:2

Mab den, profoes ha lavar, Yndellma y lever an Arloedh Duw: Kynewgh, ‘Ellas rag an jydh!’

Amos 5:16

Rakhenna yndellma y lever an Arloedh, Duw an luyow, an Arloedh: Yn plenys oll y fydh oelva, hag y'n stretys oll i a lever ‘Ellas, ellas!’ Gelwel a wrons an tiek dhe gynvann, ha dhe oelva an re a woer kyni.

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.