Yeremia 1:1 - An Bibel Kernewek 20234 (Kernewek Kemmyn)

¹ Geryow Yeremia mab Hilkia, onan a'n oferysi esa yn Anathoth yn pow Benyamin,

Yeremia 1:1 Iomraidhean Croise

1 Myghternedh 2:26

Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

1 Kroniklys 6:60

Dhiworth loeth Benyamin, Geba gans hy feurvaow, Alemeth gans hy feurvaow, hag Anathoth gans hy feurvaow. Oll aga sitys dres aga theyluyow o trydhek.

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

2 Kroniklys 36:12

Ev a wrug an pyth o drog yn golok an Arloedh y Dhuw. Ny omuvelhas a-rag an profoes Yeremia a gewsi a anow an Arloedh.

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 2:23

Gwer Anathoth, eth ha hwegh ugens.

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Ysay 10:30

Kri yn ughel, myrgh Gallim! Goslow, Laysha! Gorthyp dhedhi, Anathoth!

Ysay 2:1

An ger a welas Ysay mab Amos a-dro dhe Yuda ha Yerusalem.

Yeremia 11:21

Ytho yndellma y lever an Arloedh a-dro dhe bobel Anathoth, a hwila dha vewnans, ow leverel, ‘Na brofoes yn hanow an Arloedh, ma na verwi der agan dorn.’

Yeremia 29:27

Lemmyn ytho prag na geredhsys Yeremia a Anathoth a omwra profoes ragowgh?

Yeremia 30:1

An ger hag a dheuth dhe Yeremia a-dhiworth an Arloedh, ow leverel:

Yeremia 37:12

ena Yeremia eth yn-mes a Yerusalem rag mos yn pow Benyamin, dhe dhegemmeres y gevrenn ena yn mysk an bobel.

Ezekiel 1:3

ger an Arloedh a dheuth dhe'n oferyas Ezekiel mab Buzi yn pow an Kaldeanys, ryb an avon Kebar; hag ena y feu leuv an Arloedh warnodho.

Daniel 9:2

yn kynsa blydhen y reyn, my, Daniel, a gonvedhas der an lyvrow bos niver an vlydhynyow rag kowlwul gwastyans Yerusalem, herwydh ger an Arloedh dhe Yeremia an profoes, deg blydhen ha tri-ugens.

Amos 1:1

Geryow Amos, neb esa yn mysk bugeledh Tekoa, a welas yn gwelesigeth a-dro dhe Ysrael yn dydhyow Uzzia myghtern Yuda hag yn dydhyow Yeroboam mab Yoash, myghtern Ysrael, diw vlydhen kyns an dorgrys.

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Matthew 16:14

Yn-medhons, ‘Re anedha, Yowann Besydhyer, re erell Elias, hag erell Yeremia, po onan a'n brofoesi.’

Matthew 2:17

Y'n eur na y feu kollenwys an dra kewsys gans Yeremia an profoes, ow leverel,

Matthew 27:9

Ena y feu kollenwys an dra kewsys dre Yeremia an profoes, ow leverel, Hag i a gemmeras an deg bath warn ugens a arghans, pris an den talvesys, neb a veu talvesys gans mebyon Ysrael,