Titus 2:12 - An Bibel Kernewek 20234 (Kernewek Kemmyn)

¹² orth agan dyski may hwryllyn hepkorr ansansoleth ha drokhwansow an bys, ha bewa gans doethter, gwiryon ha sans y'n oes ma,

Titus 2:12 Iomraidhean Croise

Salmow 105:45

rag may synsens y ordenansow ha gwitha y laghys. Gormelewgh an Arloedh.

Salmow 4:3

Mes godhvydhewgh an Arloedh dhe apoyntya an den duwek dhodho y honan; an Arloedh a glew pan alwav warnodho.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Matthew 12:32

Ha piwpynag a gewsso ger erbynn Mab an den, dhodho y fydh gevys; mes piwpynag a gowsso erbynn an Spyrys Sans ny vydh gevys dhodho naneyl y'n oes ma nag y'n oes a dheu.

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 1:75

yn sansoleth hag ewnder a-dheragdho oll dydhyow agan bewnans.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 6:25

Ha pan y'n kavsons a'n tu arall dhe'n mor, yn-medhons dhodho, ‘Rabbi, p'eur hwrussys dos omma?’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 6:12

Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Kolossianys 1:22

mes lemmyn ev re wrug unnverheans y'n korf a'y gig der y vernans, dh'agas profya sans, dinamm ha divlam a-dheragdho,

1 Thessalonianys 4:7

Rag ny'gan gelwis Duw dhe vostedhes, mes yn sansoleth.

1 Thessalonianys 4:9

A-dro dhe gerensa a'n vreder, ny'gas beus edhomm my dhe skrifa dhywgh, rag hwi re beu dyskys gans Duw dhe gara an eyl y gila,

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

2 Timothi 4:10

rag Demas a'm gasas, ow kara an bys ma, ha mos dhe Thessalonika, Kreskens dhe Galatia, Titus dhe Dalmatia.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Ebrowyon 8:11

Ha ny wrons i dyski pub huni y gentrevek po pub huni y vroder, ow leverel, “Aswonn an Arloedh”, rag pubonan a wra ow aswonn, a'n lyha anedha dhe'n moyha.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

2 Peder 3:11

Ha'n taklow ma oll diswrys yndella, py par tus y koedh dhywgh hwi bos yn bewedh sans ha duwek,

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

Lyther Yud 1:18

pan lavarsons i dhywgh, ‘Y'n termyn diwettha y fydh gesyoryon ow kerdhes war-lergh aga hwansow ansans aga honan.’

Diskwedhyans 14:12

Ottomma perthyans an syns, neb a with gorhemmynnow Duw, ha fydh Yesu.