Titus 1:16 - An Bibel Kernewek 20234 (Kernewek Kemmyn)

¹⁶ I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

Titus 1:16 Iomraidhean Croise

Job 15:16

pyseul dhe le yn mab-den yw kasadow ha legrys, yn gour a yv kammhynseth kepar ha dowr!

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 48:1

Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Yeremia 12:2

Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Yeremia 5:2

Kyn leverons, ‘Dell vew an Arloedh’, yn sur i a de yn fals.

Yeremia 6:30

Gelwys yns ‘arghans deneghys’, drefenn an Arloedh dh'aga denagha.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Niverow 24:16

ger anodho ev neb a glew geryow Duw, hag a woer skians an Ughella, hag a wel gwelesigeth an Ollgalloesek, ow koedha yn transyek, mes ankudhys y dhewlagas:

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.

1 Timothi 1:9

ow konvedhes hemma: nyns yw an lagha gwrys rag den gwiryon, mes rag tus dhilagha ha diwostydh, an re yw didhuw ha peghadoryon, ansans hag ongrassyes, an re a ladh tas ha mamm, ha denledhysi,

1 Timothi 5:8

Mes den mar ny dharbar dh'y gerens ev, ha dres oll dh'y deylu ev, ev re naghas an fydh ha gweth es diskryjyk yw ev.

2 Timothi 3:17

may fo den Duw gwiw ha parys yn leun rag pub ober da.

Titus 3:1

Kovha i may fons gostydh dhe rewloryon ha galloesow, dhe obaya, dhe vos parys rag pub ober da,

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

1 Yowann 2:4

Neb a lever, ‘My a'n aswonn’, mes ny with y worhemmynnow, gowleveryas yth yw ev, ha nyns usi an gwirder ynno.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.