Salmow 99:1 - An Bibel Kernewek 20234 (Kernewek Kemmyn)

¹ An Arloedh yw Myghtern; krenes an poblow. Ev yw esedhys war an cherubim; krysyes an nor.

An Sowter 1997 2023

¹ An Arloedh yw Myghtern; krenes an poblow : ev yw esedhys war an cherubim; krysyes an nor.

Salmow 99:1 Iomraidhean Croise

2 Samuel 6:2

Davydh a sevis, ha mos gans oll an bobel esa ganso dhiworth Baala yn Yuda, dhe dhri yn-bann alena argh Duw, yw henwys war-lergh hanow Arloedh an luyow neb a esedh war an cherubim.

1 Kroniklys 16:30

kren a-dheragdho, oll an norvys; an bys ynwedh a vydh fast, nevra ny vydh gwayys.

Salmow 18:10

Hag ev a varghogas war jerub ha nija; ev a nijas uskis war eskelli an gwyns.

Salmow 2:6

‘My re worras ow myghtern war Sion, ow menydh sans.’

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 80:2

A-dherag Efraym ha Benyamin ha Manasse, difun dha nerth, ha deus dh'agan selwel.

Salmow 82:5

Ny wodhons ha ny gonvedhons, mes i a gerdh yn-rag yn tewolgow; oll selyow an nor a gren.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 96:10

Leverewgh yn mysk an kenedhlow, ‘Yma an Arloedh ow reynya! An nor devri yw fastys, ma na yllir y dhisevel; ev a vreus an poblow gans ewnder.’

Salmow 96:9

Gordhyewgh an Arloedh yn tekter sansoleth; kren a-dheragdho, oll an norvys.

Salmow 97:1

An Arloedh a reyn, lowenhes an nor; bedhes heudhik ynysow pals.

Salmow 97:4

Y lughes a wolowis an norvys; an nor a'n gwelas, ha krena.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

Ysay 19:14

An Arloedh re gemmyskas a-ji dhedhi spyrys gorth; i a wra dhe Ejyp trebuchya yn oll hy gwriansow, kepar dell drebuch penn-medhow yn y hwyj.

Yeremia 4:24

My a viras war an menydhyow, hag, otta yth esens ow krena, hag yth esa an breow oll kryghyllys.

Yeremia 49:21

Orth son aga hoedh, an nor a gren; son aga kri a vydh klewys orth an Mor Rudh.

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yeremia 50:46

An nor a gren orth an galow ‘Kemmerys yw Babylon!’ ha'n kri a vydh klewys yn mysk an kenedhlow.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Luk 19:12

Ytho yn-medh ev, ‘Unn ughelor eth dhe wlas bell, rag may tegemmerro an myghternsys dhodho y honan, hag ena dehweles.

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

Diskwedhyans 11:17

ow leverel, ‘Ni a ras dhis, A Arloedh Duw Ollgalloesek, neb os ha neb es, rag ty a gemmeras dha alloes bras ha reynya.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 6:14

Ha'n nev eth dhe-ves kepar ha rol-skrifa ow pos rolys war-barth, ha pub menydh hag ynys a veu removyes yn-mes a'y le.