Salmow 96:4 - An Bibel Kernewek 20234 (Kernewek Kemmyn)

⁴ Rag meur yw an Arloedh, ha pur wiw yw y wormel; res yw perthi own anodho dres oll duwow.

An Sowter 1997 2023

⁴ Rag meur yw an Arloedh, ha pur wiw yw y wormel : res yw perthi own anodho dres oll duwow.

Salmow 96:4 Iomraidhean Croise

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 150:2

Gormelewgh ev drefenn y wriansow nerthek; gormelewgh ev herwydh y vraster meur.

Salmow 18:3

My a elow war an Arloedh, neb yw gwiw dhe vos gormelys, ha my a vydh selwys a'm eskerens.

Salmow 48:1

Meur yw an Arloedh, ha gwiw dhe vos gormelys yn feur yn sita agan Duw, yn y venydh sans.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 66:5

Dewgh, ha gwelewgh gwriansow Duw; euthyk yw ev yn y weythres orth mebyon den.

Salmow 76:7

Ty, ty yw euthyk; ha piw a sev a-dheragos pan osta serrys?

Salmow 86:10

Rag meur osta, ha ty a wra marthusyon; ty unnsel yw Duw.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 95:3

Rag an Arloedh yw Duw meur, ha Myghtern meur dres oll duwow.

Eksodus 18:11

Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

1 Samuel 4:8

Go-ni! Piw a yll agan delivra a-dhiworth dorn an duwow galloesek ma? An re ma yw an duwow neb a weskis an Ejyptianys gans plagys y'n gwylvos.