Salmow 92:10 - An Bibel Kernewek 20234 (Kernewek Kemmyn)

¹⁰ Mes ty re ughelhas ow horn avel korn an ojyon gwyls; ty re'm untyas gans oyl yr.

An Sowter 1997 2023

¹⁰ Ow lagas ynwedh a wel ow mynnas war ow eskerens : ha'm diwskovarn a glew ow mynnas a'n debelwesyon a sev er ow fynn.

Salmow 92:10 Iomraidhean Croise

Salmow 101:8

Pub myttin my a dhistru oll tebeles an tir, ha treghi dhe-ves oll an dhrogoberoryon dhiworth sita an Arloedh.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 132:17

Ena y hwrav dhe gorn Davydh egina; my re dhyghtyas lugarn dhe'm Untys.

Salmow 148:14

Ev re dhrehevis korn rag y bobel, gormel rag oll y syns, rag mebyon Ysrael, pobel eus ogas dhodho. Gormelewgh an Arloedh.

Salmow 18:15

Ena yth omdhiskwedhas goverow dowr, ha selyow an norvys a veu diskudhys, orth dha geredh, A Arloedh, orth hwyth anall dha dhewfrik.

Salmow 23:5

Ty a bareus moes a-dheragov yn golok ow eskerens; ty re untyas ow fenn gans oyl, ow hanaf yw gorlenwys.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 75:10

Oll kern an debeles a droghav dhe-ves, ha kern an re wiryon a vydh ughelhes.

Salmow 89:17

Rag ty yw glori aga nerth, hag y'th vodh da y trehevydh agan korn.

Salmow 89:24

Mes ow lelder ha'm tregeredh a vydh ganso; hag y'm hanow vy y fydh y gorn ughelhes.

Niverow 23:22

Duw a's dre yn-mes a Ejyp; i a's teves, dell hevel, kern an ojyon gwyls.

Niverow 24:8

Duw a'n dre yn-mes a Ejyp; ev a'n jeves dell hevel kern an ojyon gwyls, ev a wra dybri kenedhlow y eskerens, ha terri aga eskern, ha'ga gwana gans y sethow.

Luk 1:69

ha drehevel korn a selwyans ragon yn chi Davydh y was;

2 Korinthianys 1:21

Mes Duw yth yw neb a'gan gwra fyrv genowgh yn Krist, ha neb re'gan untyas,

1 Yowann 2:20

Mes hwi a'gas beus untyans gans an Sans, ha hwi a woer pup-tra.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’