Salmow 9:8 - An Bibel Kernewek 20234 (Kernewek Kemmyn)

⁸ hag ev a vreus an nor yn gwiryonedh; ev a re gwirvreus dhe'n poblow yn ewnhynseth.

An Sowter 1997 2023

⁸ Hag ev a vreus an nor yn gwiryonedh : ev a re gwirvreus dhe'n poblow yn ewnhynseth.

Salmow 9:8 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 29:10

An Arloedh a esedh yn y se war an liv; ha'n Arloedh a esedh avel Myghtern bys vykken.

Salmow 50:6

Ha'n nevow a dheriv y ewnder, rag Duw y honan yw Breusyas. Sela.

Salmow 94:15

Rag gwirvreus a dhehwel dhe wiryonedh, hag oll an re ewnhynsek aga holonn a hol war hy lergh.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Eksodus 15:18

An Arloedh a reyn bys vykken ha bynnari.’

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.