Salmow 9:6 - An Bibel Kernewek 20234 (Kernewek Kemmyn)

⁶ An eskar yw treylys yn magoryow bys vykken; ty re dhiwreydhyas aga sitys; aga hovadh res eth dhe goll.

An Sowter 1997 2023

⁶ An eskar yw treylys yn magoryow bys vykken : ty re dhiwreydhyas aga sitys; aga hovadh res eth dhe goll.

Salmow 9:6 Iomraidhean Croise

2 Myghternedh 19:25

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Job 18:17

Kov anodho a dhe goll dhiworth an norvys, ha ny vydh hanow dhodho y'n stret.

Salmow 34:16

Yma fas an Arloedh erbynn an re a wra drog, dhe gisya aga hovadh dhiworth an norvys.

Salmow 34:17

An re wiryon a arm, ha'n Arloedh a glew, ha'ga delivra dhiworth aga ankenyow oll.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 7:5

helghyes an eskar ow enev, ha'y gemmeres; stankyes ev ow bewnans dhe'n dor, ha gul dhe'm enor growedha y'n doust. Sela.

Salmow 8:2

Yn-mes a anow fleghigyow ha'n re ow tena ty re fastyas nerth drefenn dha eskerens, rag may tiswrylli an eskar ha'n dialor.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Ysay 14:17

neb a wrug an nor avel gwylvos, neb a dhomhwelas y sitys, ha ny asas y brisnoryon dhe vos tre?’

Ysay 26:14

Ny vew an re varow; ny sev spyrysyon an re varow. Rag ty re's kessydhyas ha'ga distrui; ty re wrug oll kov anedha dhe vos kellys.

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Mika 7:8

Na lowenhewgh a-dro dhymm, ow eskares; pan goedhav, y savav; pan esedhav yn tewlder, an Arloedh a vydh golow dhymm.

1 Korinthianys 15:26

An eskar diwettha dhe vos distruys yw ankow;

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,

1 Samuel 31:7

Pan welas gwer Ysrael esa a'n tenewen arall dhe'n nans ha'n re esa dres an Yordan, gwer Ysrael dhe fia, ha bos Sowl ha'y vebyon marow, i a forsakyas aga sitys, ha fia; ha'n Filistysi a dheuth ha triga ynna.