Salmow 9:10 - An Bibel Kernewek 20234 (Kernewek Kemmyn)

¹⁰ Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

An Sowter 1997 2023

¹⁰ Ha'n re a aswonn dha Hanow a drest ynnos : rag ty, A Arloedh, ny forsaksys seul a'th hwila.

Salmow 9:10 Iomraidhean Croise

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 37:39

Yma selwyans dhe'n re wiryon dhiworth an Arloedh, aga skovva yn termyn anken.

Salmow 5:11

Mes lowenhes seul a hwila skovva ynnos, kanens i rag joy bynitha, rag ty dh'aga gwitha, ha bedhes heudhik ynnos an re a gar dha hanow.

Salmow 57:1

Bydh grassyes orthiv, A Dhuw, bydh grassyes orthiv, rag ow enev a hwila skovva ynnos; hag yn-dann skeus dha eskelli y fydh ow skovva, erna vo an droglammow ma tremenys.

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Yeremia 29:13

Ha hwi a'm hwila, ha'm kavoes pan y'm hwilowgh a leun golonn.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.