Salmow 86:2 - An Bibel Kernewek 20234 (Kernewek Kemmyn)

² Gwith ow enev, rag len ov vy; salw dha was, ow Duw, a drest ynnos.

An Sowter 1997 2023

² Gwith ow enev, rag len ov vy : salw dha was, ow Duw, a drest ynnos.

Salmow 86:2 Iomraidhean Croise

Salmow 119:94

Ty a'm piw, salw vy; rag my re hwilas dha arghadowyow.

Salmow 13:5

Mes my re drestyas y'th tregeredh; ow holonn a lowenha y'th selwyans.

Salmow 143:12

Y'th tregeredh diswra ow eskerens, ha distru oll an re a omladh erbynn ow enev; rag dha was ov vy.

Salmow 16:1

Gwith vy, A Dhuw, rag ynnos jy y hwilav skovva.

Salmow 18:19

Ev a'm dros yn-mes dhe dyller ledan; ev a'm delivras, drefenn bos dhodho delit ynnov.

Salmow 25:2

Ow Duw, my a drest ynnos jy, na as vy dhe berthi meth; na vedhes ow eskerens heudhik a'm govis.

Salmow 31:1

Ynnos jy, A Arloedh, y hwilav skovva; na as vy nevra dhe berthi meth; gwra ow delivra y'th ewnder.

Salmow 31:14

Mes my a drestyas ynnos jy, A Arloedh; my a leveris, ‘Ty yw ow Duw.’

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 4:3

Mes godhvydhewgh an Arloedh dhe apoyntya an den duwek dhodho y honan; an Arloedh a glew pan alwav warnodho.

Salmow 50:5

Kuntellewgh ow syns war-barth dhymmo vy, an re a wrug kevambos genev dre sakrifis.

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 17:11

Ha lemmyn nyns esov vy y'n bys namoy, mes an re ma ymons y'n bys, ha my a dheu dhis. A Das sans, gwra aga gwitha y'th hanow jy hag a resys dhymm, may fons i onan kepar dell on nyni.

Romanyon 9:18

Ytho ev a gemmer mersi war geniver a blekkyo dhodho hag ev a galesha kolonn keniver a blekkyo dhodho.

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.