Salmow 86:1 - An Bibel Kernewek 20234 (Kernewek Kemmyn)

¹ Pleg dha skovarn yn-nans, A Arloedh, ha gorthyp dhymm, rag boghosek ov vy hag edhommek.

An Sowter 1997 2023

¹ Pleg dha skovarn yn-nans, A Arloedh, ha gorthyp dhymm : rag boghosek ov vy hag edhommek.

Salmow 86:1 Iomraidhean Croise

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 102:1

A Arloedh, klew ow fysadow; ha re dheffo ow kri dhiso jy.

Salmow 102:17

Ev a wra vri a bysadow an den noeth, ha ny dhispres aga fysadow.

Salmow 119:22

Treyl a-dhiworthiv mewl ha despit, rag my re withas dha dhustuniow.

Salmow 140:12

My a woer y hwra an Arloedh pledya ken an den gwann, ha mentena gwir an voghosogyon.

Salmow 142:1

My a gri war an Arloedh gans ow lev, gans ow lev devri y hwrav ow govynnadow dhe'n Arloedh.

Salmow 17:6

My re elwis warnas, rag ty a worthyp dhymm, A Dhuw; pleg dha skovarn dhymm ha klew ow lavarow.

Salmow 25:16

Treyl dhymmo vy, ha bydh grassyes orthiv; rag digoweth ha boghosek ov vy.

Salmow 31:2

Pleg dha skovarn dhymm; gwra ow delivra yn uskis; bydh dhymm karrek grev, ha kastell dhe'm selwel.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 40:17

Boghosek hag edhommek ov vy; mes an Arloedh a breder ahanav. Ty yw ow gwereser ha'm delivrer; ow Duw, na wra delatya.

Ysay 37:17

Pleg dha skovarn yn-nans, A Arloedh, ha klew; igor dha dhewlagas, A Arloedh, ha gwel; klew oll geryow Sennagherib, re dhannvonas dhe skornya an Duw bew.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?