Salmow 85:3 - An Bibel Kernewek 20234 (Kernewek Kemmyn)

³ Ty re gemmeras dhe-ves oll dha sorr; ty re dreylyas dhiworth dha sorr fers.

An Sowter 1997 2023

³ Ty re gemmeras dhe-ves oll dha sorr : ty re dreylyas dhiworth dha sorr fers.

Salmow 85:3 Iomraidhean Croise

2 Kroniklys 6:39

ena klew dhiworth nev, dhiworth tyller dha drigva aga fysadow ha'ga aspysadow, menten aga hen ha gav dhe'th pobel, re beghas er dha bynn.

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Eksodus 32:22

Hag Aron a leveris, ‘Na as sorr ow arloedh dhe leski fers; ty a aswonn an bobel hag yw parys rag tebelwrians.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 40:1

Konfortyewgh, konfortyewgh ow fobel, a lever agas Duw.

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Ysay 6:7

Ev a dochyas ow ganow, ha leverel, ‘Awotta, homma re dochyas dha dhiwweus ha treylys dhe-ves yw dha anewnder, ha gevys yw dha begh.’

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Yona 3:9

Piw a woer, a wra Duw treylya ha kemmeres edrek, ha treylya dhiworth y sorr fers, ma na wryllyn ni mos dhe goll?’

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Dewteronomi 13:17

Ny len orth dha leuv travyth dhiworth an difenn, rag may treyllyo an Arloedh dhiworth y sorr fers, ha may rollo dhis piteth, ha kemmeres truedh ahanas, ha'th kressya kepar dell dos dhe'th tasow,

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.