Salmow 80:1 - An Bibel Kernewek 20234 (Kernewek Kemmyn)

¹ Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

An Sowter 1997 2023

¹ Goslow, A vugel Ysrael, ty neb a hembronk Yosef avel flokk : omdhiskwa, ty neb a drig ynter an cherubim.

Salmow 80:1 Iomraidhean Croise

2 Samuel 6:2

Davydh a sevis, ha mos gans oll an bobel esa ganso dhiworth Baala yn Yuda, dhe dhri yn-bann alena argh Duw, yw henwys war-lergh hanow Arloedh an luyow neb a esedh war an cherubim.

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

Job 10:3

A hevel bos da dhis arwaska, kasa ober dha dhiwleuv ha splanna war dowlow tebelwesyon?

Salmow 45:1

Yma awen y'm kolonn ow tyghtya kan fin; my a gan ow ober gwrys rag an Myghtern; ow thaves yw pluvenn dhe skriba skentel.

Salmow 5:1

Ro skovarn dhe'm geryow, A Arloedh; gwra vri a'm hanasa.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 50:2

Yn-mes a Sion, perfydh hy thekter, Duw re splannas.

Salmow 55:1

Ro skovarn, A Dhuw, dhe'm pysadow, ha na omgudh rag ow govynnadow.

Salmow 60:1

A Dhuw, ty re'gan skonyas, ha'gan terri; ty re sorras; treyl arta dhyn ni.

Salmow 69:1

Salw vy, A Dhuw, rag an dowrow re dheuth bys y'm enev.

Salmow 77:20

Ty a hembronk dha bobel avel deves dre leuv Moyses hag Aron.

Salmow 78:52

Mes y bobel y honan, ev a's dros yn-mes avel deves, ha'ga ledya y'n difeyth avel flokk.

Salmow 78:67

Ev a skonyas tylda Yosep, ha ny dhewisas loeth Efraym;

Salmow 80:19

Treyl ni arta, A Arloedh, Duw an luyow; gwra dhe'th fas golowi, ha ni a vydh selwys.

Salmow 80:3

Treyl ni arta, a Dhuw; gwra dhe'th fas golowi, ha ni a vydh selwys.

Salmow 80:7

Treyl ni arta, A Dhuw an luyow; gwra dhe'th fas golowi, ha ni a vydh selwys.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Ezekiel 1:13

Y feu hevelep an kreaturs bew kepar ha kolennow bew ow tewi, kepar ha semlans faglennow ow kwaya ynter an kreaturs bew; an tan o splann, ha dhiworth an tan yth esa lughes ow mos yn-mes.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Daniel 9:17

Lemmyn, agan Duw, goslow orth pysadow dha was, hag orth y aspysadow, ha gwra may tewynno dha fas war dha sentri forsakys, a-barth an Arloedh.

Yowann 10:14

My yw an bugel da, ha my a aswonn ow deves ow honan, ha'm re ow honan a'm aswonn vy.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.