Salmow 8:1 - An Bibel Kernewek 20234 (Kernewek Kemmyn)

¹ A Arloedh, agan Arloedh, ass yw bryntin dha hanow yn oll an norvys; ty neb re worras dha wolewder a-ugh an nevow.

An Sowter 1997 2023

¹ A Arloedh, agan Arloedh, ass yw bryntin dha Hanow yn oll an norvys : ty neb re worras dha wolewder a-ugh an nevow!

Salmow 8:1 Iomraidhean Croise

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

Salmow 145:1

My a'th ughelha, A Dhuw an Myghtern, ha my a vennik dha hanow bys vykken ha bynnari.

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 36:5

Yma dha dregeredh, A Arloedh, y'n nevow, ha'th lenduri a dhrehedh bys y'n ebron.

Salmow 57:5

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 63:1

A Dhuw, ty yw ow Duw, my a'th hwither dihwans. Yma syghes dhe'm enev war dha lergh, ow hig a'n jeves hireth ragos, yn tir kras ha sygh ma nag eus dowr.

Salmow 68:4

Kenewgh dhe Dhuw, kenewgh gormola dh'y hanow ev; drehevewgh kan dhe neb a varghok war an nevow; an Arloedh yw y hanow; bedhewgh heudhik a-dheragdho.

Salmow 8:9

A Arloedh agan Arloedh, ass yw bryntin dha hanow yn oll an norvys!

Salmow 81:1

Kenewgh yn lowen dhe Dhuw agan nerth; gwra tros heudhik dhe Dhuw Yakob.

Salmow 84:1

Ass yw karadow dha drigvaow, A Arloedh an luyow!

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Matthew 22:45

Ytho Davydh mara'n gelow “Arloedh”, fatell yw ev y vab?’

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Efesianys 4:10

Neb a dhiyskynnas yw ynwedh neb a yskynnas pell a-ugh oll an nevow may lanwa pup-tra.

Dewteronomi 28:58

Mar ny waytydh gul oll geryow an lagha ma yw skrifys y'n lyver ma, ow perthi own a'n hanow gloryus hag euthyk ma, an Arloedh dha Dhuw,

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.