Salmow 7:8 - An Bibel Kernewek 20234 (Kernewek Kemmyn)

⁸ An Arloedh a vreus an poblow; breus vy, A Arloedh, herwydh ow ewnder, ha herwydh ow gwiryonsys usi ynnov.

An Sowter 1997 2023

⁸ An Arloedh a vreus an poblow; breus vy, A Arloedh : herwydh ow ewnder, ha herwydh ow gwiryonsys usi ynnov.

Salmow 7:8 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

Salmow 11:4

Yma an Arloedh yn y dempel sans, yma se an Arloedh y'n nevow; y dhewlagas a vir, kreghyn y dhewlagas a brev mebyon den.

Salmow 25:21

Re'm gwittho perfydhder ha gwiryonsys, rag my a hwila skovva ynnos jy.

Salmow 26:1

Breus vy, A Arloedh, rag my re gerdhas yn tivlam, ha my re drestyas y'n Arloedh heb trebuchya.

Salmow 26:11

Ha my, my a gerdh heb namm; daspren vy, ha bydh grassyes orthiv.

Salmow 41:12

Ha my, ty a'm menten heb namm, ha'm gorra a-dheragos bynitha.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 78:72

Ytho ev a's gwithas gans kolonn lan; hag ev a's bugelyas herwydh sleyghneth y dhiwleuv.

Salmow 82:1

Duw a sev yn kuntelles nev; ev a vreus yn mysk an duwow.

Salmow 9:8

hag ev a vreus an nor yn gwiryonedh; ev a re gwirvreus dhe'n poblow yn ewnhynseth.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Lavarow Koth 19:1

Gwell yw den boghosek hag a gerdh yn ewnhynsek, ages den yw treus yn y gows hag yw foll.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

1 Thessalonianys 2:10

Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.